Asia Cup 2023 : आशिया कपसाठी भारतीय संघाची घोषणा; यश धूलच्या गळ्यात कर्णधारपदाची माळ

Emerging Teams Asia Cup 2023 : ज्यूनियर क्रिकेट कमिटीने येत्या 13 जुलै ते 23 जुलै दरम्यान होणाऱ्या इमर्जिंग टीम्स आशिया कप 2023 साठीच्या भारतीय अ संघाची घोषणा केली. ही स्पर्धा आठ आशिया देशांमध्ये खेळली जाणार आहे. ही स्पर्धा 50 षटकांची होणार आहे. भारतीय अ संघ हा ग्रुप बी मध्ये आहेत. या ग्रुपमध्ये नेपाळ, युएई अ, आणि पाकिस्तान अ संघांचा समावेश आहे. तर ग्रुप ए मध्ये श्रीलंका अ, बांगलादेश अ, अफगाणिस्तान अ आणि ओमान संघांचा समावेश आहे.

या दोन ग्रुपमधील पहिल्या दोन संघांमध्ये सेमी फायनल राऊंड खेळवला जाणार आहे. पहिला सेमी फायनल सामना हा ग्रुप ए मधील पहिल्या तर ग्रुप बी मधील दुसऱ्या क्रमांकावरील संघात खेळवला जाईल. तर दुसरा सामना हा ग्रुप बी च्या पहिल्या आणि ग्रुप ए मधील दुसऱ्या स्थानावरील संघात होणार आहे.

या स्पर्धेसाठी भारतीय अ संघाची घोषणा झाली असून या संघचे नेतृत्व यश धूल करणार आहे. मात्र आयपीएलमध्ये चांगली कामगिरी करणाऱ्या मुंबई इंडियन्सच्या नेहल वधेराला स्टँड बाय मध्ये ठेवण्यात आलेले आहे.

इमर्जिंग आशिया कप 2023 साठीचा भारतीय अ संघ :

यश धूल (कर्णधार), साई सुदर्शन, अभिषेक शर्मा (उपकर्णधार), निकिन जोस, प्रदोष रंजन पॉल, रियान पराग, निशांत सिंधू, प्रभसिमरन सिंह, ध्रुव जुरेल, मानव सुथार, युवराज सिंह डोडिया, हर्षित राणा, आकाश सिंह, नितीश कुमरा रेड्डी, राजवर्धन हंगरगेकर

स्टँडबाय खेळाडू :

हर्ष दुबे, नेहल वढेरा, स्नेह पटेल, मोहित रेडकर

प्रशिक्षक :

सितांशू कोटक (मुख्य प्रशिक्षक), साईराज बहुतुले (गोलंदाजी प्रशिक्षक), मुनीश बाली (फिल्डिंग कोच)