IND W vs ENG W: शेवटच्या टी-20 सामन्यात भारताचा पराभव; यजमानांनी मालिका 2-1 ने जिंकली

इंग्लंडने शेवटच्या सामन्यात भारताचा 7 गडी राखून पराभव केला
IND W vs ENG W
IND W vs ENG Wsakal

India vs England Women T-20 : इंग्लंडच्या महिला संघाने शेवटच्या T20 सामन्यात 7 गडी राखून मोठा विजय नोंदवत 3 सामन्यांची मालिका 2-1 अशी जिंकली आहे. या सामन्यात हरमनप्रीत कौरच्या नेतृत्वाखालील भारतीय संघ प्रथम खेळताना केवळ 122 धावाच करू शकला. यष्टिरक्षक फलंदाज रिचा घोषने सर्वाधिक 33 धावा केल्या. प्रत्युत्तरात यजमान इंग्लिश संघाने 18.2 षटकांत 3 गडी राखून लक्ष्य गाठले. सलामीवीर फलंदाज सोफिया डंकलेने सर्वाधिक 49 धावा केल्या. आता दोन्ही देशांदरम्यान 3 सामन्यांची एकदिवसीय मालिका खेळवली जाणार आहे. मालिकेतील पहिला सामना 18 सप्टेंबर रोजी होव्ह येथे होणार आहे.

IND W vs ENG W
Ruturaj Gaikwad : शतकी खेळी! पुण्याचा ऋतुराज कसोटी संघाचेही दार ठोठावतोय

या सामन्यात इंग्लंडने नाणेफेक जिंकून गोलंदाजी करण्याचा निर्णय घेतला. भारतीय संघाची सुरुवात चांगली झाली नाही. संघाने 35 धावांत 5 विकेट गमावल्या होत्या. शेफाली वर्मा 5, स्मृती मानधना 9 आणि हरमनप्रीत कौरही 5 धावा करून बाद झाली. 52 धावांवर 6 विकेट पडल्यानंतर दीप्ती शर्मा आणि ऋचा घोष यांनी संघाची धुरा सांभाळली. दीप्तीने 25 चेंडूत 24 धावा केल्या. 9व्या क्रमांकावर उतरलेल्या पूजा वस्त्राकरने 11 चेंडूत नाबाद 19 धावा करत धावसंख्या 120 च्या पुढे नेली.

IND W vs ENG W
Roger Federer : टेनिस कोर्टवरील 5 ऐतिहासिक 'Roger Things'

लक्ष्याचा पाठलाग करणाऱ्या इंग्लंड संघाला सलामीवीरांनी चांगली सुरुवात करून दिली. इंग्लंडने पहिल्या विकेटसाठी 70 धावा जोडल्या. डॅनियल व्याटने 22 तर सोफिया डंकलेने 49 धावा केल्या. याशिवाय अॅलिस कॅप्सीने नाबाद 38 धावा केल्या. हे लक्ष्य गाठण्यात इंग्लंडला फारशा अडचणी आल्या नाहीत. भारताकडून स्नेह राणा, पूजा वस्त्राकार आणि राधा यादव यांनी प्रत्येकी एक विकेट घेतली. T20 मालिका गमावल्यानंतर भारताला इंग्लंडविरुद्ध एकदिवसीय मालिका खेळायची आहे. या मालिकेतील सामने 18, 21 आणि 24 सप्टेंबर रोजी होणार आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com