युरो कप स्पर्धेत हिरोवाली कामगिरी करणाऱ्या इटलीच्या संघाला वर्ल्ड कप पात्रता फेरीतील लढतीत मोठा धक्का बसला.य फिफा वर्ल्ड कप पात्रता फेरीतील नॉर्थ मॅकडोनियाने (North Macedonia) त्यांना पराभवाचा दणका दिला. या पराभवामुळे त्यांचा फुटबॉल वर्ल्ड कप स्पर्धेत प्रवेशाचा मार्ग बंद झाला आहे. सलग दुसऱ्यांदा इटलीच्या संघावर अशी नामुष्की ओढावली आहे. इंज्युरी टाइममध्ये North Macedonia ने 1-0 अशी आघाडी घेतली. ही आघाडी इटलीची गणितं बिघाडणारी ठरली. (Italy fail to qualify for FIFA World Cup)
युरो कप स्पर्धेतील अंतिम सामन्यात पेनल्टी शूट आऊटमध्ये इटलीने जवळपास पाच दशकांची प्रतिक्षा संपुष्टात आणत दुसऱ्यांदा युरो ट्रॉफी जिंकली होती. युरोच्या इतिहासातील सर्वात जलद गोल डागत घरच्या मैदानावर खेळणाऱ्या इंग्लंडने दुसऱ्या मिनिटाला आघाडी घेतली होती. पण सामना 1-1 बरोबरीत सोडवून इटलीने इंग्लंडला पेनल्टी शूट आउटमध्ये पराभूत केले होते. इटलीच्या या कामगिरीनंतर वर्ल्ड कप स्पर्धेतही हा संघ पुन्हा दमदार कमबॅक करेल, असे संकेत मिळाले होते. पण आता पुन्हा एकदा इटलीच्या पदरी निराशा पडली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.