FIFA World Cup 2026 schedule : 16 स्टेडियम, 104 सामने; अंतिम सामना अमेरिकेच्या या शहरात; जाणून घ्या वर्ल्ड कपचे शेड्यूल

FIFA World Cup 2026 schedule : भारत हा देश क्रिकेटसाठी वेडा आहे, असं म्हंटलं वावगं ठरणार नाही. पण फुटबॉल हा जगात सर्वात लोकप्रिय खेळ आहे. कारण जगभरात फुटबॉलचे कोट्यवधी चाहते आहेत. ज्यामध्ये फिफा वर्ल्ड कपची क्रेझ एक वेगळ्याच स्तर आहे.

आता पुढील फिफा वर्ल्ड कप 2026 मध्ये होणार आहे. अशा परिस्थितीत, फिफा वर्ल्ड कप स्पर्धेचे ठिकाण काय असेल असा प्रश्न तुम्हाला पडत असेल तर आम्ही तुम्हाला सांगतो की यावेळी फिफा वर्ल्ड कप स्पर्धेचा अंतिम सामना न्यू यॉर्क, न्यू जर्सी येथील मेटलाइफ स्टेडियमवर होणार आहे. फिफाने रविवारी ही घोषणा केली. हा विश्वचषक कधी सुरू होईल आणि त्याचा अंतिम सामना कधी खेळला जाईल हे जाणून घ्या....

फिफा वर्ल्ड कप 11 जून 2026 पासून सुरू होणार आहे. उद्घाटन सामना मेक्सिको सिटीच्या अझ्टेक स्टेडियमवर खेळला जाणार आहे. त्याच वेळी 19 जुलैला फिफा वर्ल्ड कप स्पर्धेचा अंतिम सामना न्यू जर्सीच्या मेटलाइफ स्टेडियमवर होणार आहे. याशिवाय अटलांटा आणि डॅलस या शहरामध्ये उपांत्य फेरीचे सामने होतील.

तीन देशांमधील एकूण 16 शहरे या खेळांचे आयोजन करतील, त्यातील बहुतांश सामने युनायटेड स्टेट्स ऑफ अमेरिकामध्ये होतील.

फिफा वर्ल्ड कप 2022 मध्ये 32 संघ सहभागी झाले होते, पण यावेळी 48 संघ ही स्पर्धा खेळणार आहे. म्हणजेच यावेळी आणखी 24 सामने होतील. म्हणजेच 16 ठिकाणी एकूण 104 सामने खेळवले जातील. स्पर्धेत चार संघांचे 12 गट असतील, त्यापैकी 8 संघांमध्ये बाद फेरीचे सामने खेळवले जातील.

FIFA विश्वचषक 2026 यजमान शहरे -

अटलांटा, बोस्टन, डॅलस, ग्वाडालजारा, ह्यूस्टन, कॅन्सस सिटी, लॉस एंजेलिस, मेक्सिको सिटी, मियामी, मॉन्टेरी, न्यूयॉर्क-न्यू जर्सी, फिलाडेल्फिया, सॅन फ्रान्सिस्को बे एरिया, सिएटल, टोरंटो आणि व्हँकुव्हर. (FIFA World Cup 2026 Host Cities)