हरभजन-पत्रकाराचा टिवटिवाट; BCCI अधिकाऱ्याची निवडसमितीत लुडबूड?

भारताचा माजी फिरकीपटू हरभजन सिंग (Harbhajan Singh) आणि एका क्रीडा पत्रकारामध्ये (Journalist) बीसीसीआय अधिकारी (BCCI official) निवडसमितीच्या (Selection Committee) कामामध्ये लुडबूड करत असल्यावून ट्विटरवर शाब्दिक देवाण घेवाण झाली. एका क्रीडा पत्रकाराने ट्विटवर एक बीसीसीआय अधिकारी निवडसमितीच्या कामामध्ये लुडबूड करत असल्याचे ट्विट केले होते. त्याला हरभजन सिंगने प्रतिक्रिया दिली. (Harbhajan Singh Journalist Twitter exchange over BCCI official Interfering in Selectors Meetings)

त्या पत्रकाराने 'बऱ्याच काळापासून एक बीसीसीआय अधिकारी निवडसमितीच्या बैठकांना हजेरी लावत आहे. त्याला माहिती आहे की आपण यापासून दूर राहिले पाहिजे. कर्णधार (Captain), प्रशिक्षक (Coach) असहाय्य झालेत. ते काही करू शतक नाहीत. त्या अधिकाऱ्याचे तेथे काही काम नाही. मला आशा आहे की अशा घटना पुन्हा होणार नाहीत.'

त्यावर हरभजन सिंगने हे तुम्हाला कसं माहिती? आणि तो कोण अधिकारी आहे? असा प्रश्न त्या पत्रकाराला विचारला. त्यावर त्या पत्रकाराने 'चांगला प्रश्न आहे. तो तू विराट (Virat Kohli), रवी शास्त्री (Ravi Shastri), बीसीसीआय आणि निवडसमितीला विचारायला पाहिजेस. मला खात्री आहे की या पैकी काही लोकांना तुला त्यांचे मत सांगण्यात काहीच अडचण येणार नाही. ज्यावेळी ते तुला सांगतील त्यावेळी तू आम्हालाही सांग. असे प्रश्न सातत्याने विचारले गेले तर भारतीय क्रिकेट एका वेगळ्याच उंचीवर जाईल. तू विराट आणि रवी शास्त्री यांच्यापासून सुरूवात करू शकतोस.' असे उत्तर दिले.