विमानातच रचला होता हार्दिक अन् दिनेश कार्तिकने चक्रव्युह

भारत आणि दक्षिण आफ्रिका यांच्यात पाच सामन्यांच्या मालिकेतील चौथा टी-20 आंतरराष्ट्रीय सामना राजकोट येथील सौराष्ट्र क्रिकेट असोसिएशन स्टेडियमवर खेळल्या गेला. या सामन्यात भारताने दक्षिण आफ्रिकेवर 82 धावांनी मोठा विजय मिळवला. विजयाचा शिल्पकार ठरलेल्या दिनेश कार्तिकने 55 ​​धावांच्या दमदार खेळीसाठी त्याला सामनावीराचा पुरस्कार देण्यात आला. कार्तिकशिवाय हार्दिक पांड्याने 31 चेंडूत 46 धावा करत संघाला मजबूत धावसंख्या उभारण्यास मदत केली. (hardik pandya and dinesh karthik)

सामन्यानंतर टी-20 आंतरराष्ट्रीय क्रिकेटमधील पहिल्या अर्धशतक झळकवणारा, दिनेश कार्तिक आणि भारतीय संघाचा उपकर्णधार हार्दिक पांड्या मैदानावर बसून संवाद साधला. जे बीसीसीआयने त्यांच्या अधिकृत वेबसाइट BCCI.TV वर पोस्ट केले आहे. पांड्याने कार्तिकला त्याच्या अर्धशतकी खेळी आणि पुनरागमनाशी संबंधित अनेक प्रश्न विचारले.

बीसीसीआयने त्यांच्या संभाषणाचा व्हिडिओ शेअर केला आहे, ज्यामध्ये दिनेश कार्तिकने सांगितले की, मी आणि हार्दिकने फ्लाइटमध्ये राजकोट टी-20 सामन्यासाठी चक्रव्यूह रचला होता. मधल्या फळीतील फलंदाजाला काहीवेळा परिस्थितीचा सामना वेगळ्या पद्धतीने करावा लागतो. अशा परिस्थितीत धावा कशा करायच्या, कोणत्या गोलंदाजाला टारगेट करायचे, कुठे धावा काढायच्या हे माहित असणे खूप महत्वाचे असते. मला सुरुवातीला हार्दिककडून खूप मदत मिळाली आणि मला तुझ्यासोबत फलंदाजी करायला आवडते. त्यामुळे आमच्यावर दबाव नव्हता.

प्रथम फलंदाजी करताना भारताने दक्षिण आफ्रिकेसमोर 169 धावाचे लक्ष्य ठेवले होते. त्यानंतर भारतीय गोलंदाजांनी अप्रतिम कामगिरी करत दक्षिण आफ्रिकेला 16.5 षटकांत केवळ 87 धावांत रोखून सामना 82 धावांनी जिंकला. पाच सामन्यांची मालिका सध्या 2-2 अशी बरोबरी केली आहे.