मुंबई : भारताचा युवा फलंदाज पृथ्वी शॉने खोकल्यावर उपचार म्हणून घेतलेल्या औषधात उत्तेजकचा अंश सापडला आणि तो दोषी ठरला हे वृत्त वाऱ्यासारखे पसरले आणि मुंबईच नव्हे तर भारतीय क्रिकेटमध्येही खळबळ उडाली. यावर लोकप्रिय समालोचक हर्षा भोगले यांनी पृथ्वीला काळजीपूर्वक हाताळून त्याला योग्य मार्ग दाखवावा असा सल्ला बीसीसीआयला दिला आहे.
''या लहान मुलाने खूप कष्ट करुन यश मिळवलं आहे. त्यामुळेच भारतीय क्रिकेटने पृथ्वी शॉला खूप काळजीपूर्वक हाताळायला हवं आणि त्याला योग्य मार्ग दाखवायला हवा,'' असा सल्ला भोगले यांनी ट्विटरवरुन दिला आहे.
मुश्ताक अली स्पर्धेदरम्यान आपल्याला खोकला झाला होता त्यावेळी आपण त्यावरचे औषध घेतले होते. त्या औषधार बंदी असलेले उत्तेजक असल्याची आपल्याला माहिती नव्हती, अजाणतेपणी आपल्या हातून हे कृत्य झाले. कामगिरी उंचावण्यासाठी जाणीवपूर्वक आपण उत्तेजक घेतले नसल्याचा खुलाला पृथ्वीने बीसीसीआयच्या समितीसमोर केला त्याचा हा खुलासा मान्य करण्यात आला त्यामुळे त्याच्यावर आठ महिन्यांचीच बंदी घालण्यात आली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.