ICC U19 WC: निशांत सिंधू कोरोना पॉझिटिव्ह, उपांत्यपूर्व फेरीला मुकणार

आयसीसी १९ वर्षाखालील वर्ल्डकप (ICC U19 World Cup) स्पर्धेत भारताच्या मागचे कोरोनाचे शुक्लकाष्ठ काही संपत नाही. भारतीय संघातील एक प्रमुख खेळाडू निशांत सिंधूला (Nishant Sindhu) कोरोनाची लागण झाली आहे. त्यामुळे तो उपांत्यपूर्व फेरीतील बांगलादेश विरूद्धचा सामना खेळू शकणार नाही. असे असले तरी भारतासाठी एक दिलासादायक बातमी देखील आहे. भारताचा १९ वर्षाखालील संघाचा कर्णधार यश धूल (Yash Dhull) आणि उपकर्णधार राशीद (SK Rasheed) हे दोघेही कोरोनामधून सावरले असून ते बांगलादेश विरूद्धच्या सामन्यासाठी उपलब्ध असणार आहेत. याबाबतची माहिती एएनआयला सूत्रांनी दिली आहे. (ICC U19 World Cup Nishant Sindhu Tested Corona Positive Before Match against Bangladesh)

गेल्या आठवड्यात आर्यलंडविरूद्धच्या समन्यादिवशी बीसीसीआयने भारतीय संघातील चार खेळाडू कोरोना पॉझिटिव्ह असल्याचे सांगितले होते. यात कर्णधार यश धूल आणि उपकर्णधार एस.के. राशीद या दोघांचाही समावेश होता. याचबरोबर अजून दोन खेळाडूंना लक्षणे दिसून आली होती. त्या सर्वांची आरटी - पीसीआर चाचणी करण्यात आली आणि त्यानंतर सहा खेळाडूंना विलगीकरणात ठेवले होते. त्यामुळे आर्यलंड विरूद्धच्या सामन्यात भारताची बेंच स्ट्रेंथ खेळवावी लागली होती.

आज ( दि. २९ ) भारत आणि बांगलादेश (India U19 vs Bangladesh U19) यांच्यात सुपर लीगचा उपांत्यपूर्व फेरीतील सामना होणार आहे. गतविजेत्या बांगलादेशने स्पर्धेत चांगली लय पकडली असून हा सामना अँटिग्वाच्या कूलीज क्रिकेट ग्राऊंडवर सायंकाळी ६.३० ला सुरू होणार आहे.