IND vs AUS: कारकीर्द धोक्यात असणाऱ्या KL राहूलची गाडी रुळावर येणार? बायकोसोबत महाकालच्या दर्शनाला

India vs Australia 3rd Test : भारतीय क्रिकेट संघाने सुरुवातीचे दोन्ही कसोटी सामने जिंकून 4 सामन्यांच्या मालिकेत 2-0 अशी आघाडी घेतली आहे. इंदूर कसोटी जिंकून भारताला बॉर्डर गावसकर कसोटी मालिकेत अजेय आघाडी मिळवायची आहे.

टीम इंडियाची कामगिरी निःसंशयपणे चांगली आहे पण खराब फॉर्ममुळे राहुल अजूनही टीकाकारांच्या निशाण्यावर आहे. त्याला संघातून वगळल्याची चर्चा आहे. तिसऱ्या कसोटीसाठी खेळाडू शनिवारी इंदूरला पोहोचले. रविवारी सकाळी राहुल पत्नी अथिया शेट्टीसोबत उज्जैनच्या महाकाल मंदिरात पोहोचला.

केएल राहुल आणि अथिया शेट्टी इंदूर कसोटीपूर्वी उज्जैनच्या महाकाल मंदिरात दर्शनासाठी गेले. रविवारी झालेल्या भस्म आरतीलाही या जोडप्याने हजेरी लावली. राहुल आणि अथियाचे मंदिर परिसरात उपस्थित असलेले अनेक फोटो समोर आले आहेत. KL Rahul & Athiya Shetty at Mahakal Mandir Ujjain

जेव्हा जेव्हा टीम इंडिया इंदूरला मॅचसाठी जाते तेव्हा खेळाडू नक्कीच इंदूरपासून 50 किमी दूर असलेल्या उज्जैनच्या महाकाल मंदिरात दर्शनासाठी जातात. राहुल आणि अथियाने रविवारी भस्म आरतीमध्ये भाग घेतला. राहुलने पिवळ्या रंगाचे धोतर घातल्याचे तुम्ही फोटोत पाहू शकता. अथियानेही पिवळ्या रंगाचा सूट परिधान केला आहे.