KL Rahul : KL राहुलची फटकेबाजी पाहताचा अथिया्च्या प्रेमाचं टेंपरेचर वाढलं | Sakal
sakal

बोलून बातमी शोधा

KL Rahul

KL Rahul : राहुलची फटकेबाजी पाहताचा अथिया्च्या प्रेमाचं टेंपरेचर वाढलं

KL Rahul : रोहित शर्माच्या नेतृत्वाखाली ऑस्ट्रेलियाविरुद्ध मालिका खेळणाऱ्या भारतीय संघाची सुरुवात खूपच खराब झाली होती. 200 हून अधिक धावा करूनही भारतीय संघाला पराभवाचा सामना करावा लागला. या पराभवाला भारतीय गोलंदाज आणि खराब क्षेत्ररक्षण जबाबदार आहे. ऑस्ट्रेलियाविरुद्धच्या तीन सामन्यांच्या मालिकेतील पहिल्या T20I सामन्यात KL राहुलने अर्धशतक झळकावले. टीम इंडियाचा उपकर्णधार केएल राहुलच्या या कामगिरीवर त्यांची गर्लफ्रेंड खूप खूश झाली. तिने राहुलचा एक फोटो सोशल मीडियावर शेअर केला.

हेही वाचा: Rohit Sharma : ऑस्ट्रेलियन खेळाडूच्या वात्रटपणावर रोहितची रिएक्शन, एकदा व्हिडिओ पाहाच

केएल राहुल आणि अथिया शेट्टी यांची लव्हस्टोरी कोणापासूनही लपलेली नाही. ही जोडी नेहमीच चर्चेत असते. पहिल्या सामन्यात त्याने शानदार खेळी केली, या आनंदात अथिया शेट्टीने राहुलवर प्रेमाचा वर्षाव केला आहे.

केएल राहुलने अर्धशतक पूर्ण केल्यानंतर अथिया शेट्टीने तिच्या इंस्टाग्राम अकाउंटवर एक फोटो शेअर केला. ज्यामध्ये केएल राहुल जाताना दिसत आहे. त्याचा हा फोटो शेअर करताना त्याने हार्ट इमोजी शेअर केला आहे. या सामन्यात राहुलने केवळ 35 चेंडूत 4 चौकार आणि 3 षटकारांच्या मदतीने 55 धावा केल्या. डावाच्या 12व्या षटकात केएल राहुलला जोश हेझलवूडने बाद केले.

तत्पूर्वी, ऑस्ट्रेलियाचा कर्णधार अॅरॉन फिंचने नाणेफेक जिंकून प्रथम गोलंदाजी करण्याचा निर्णय घेतला होता. टीम इंडियाने प्रथम फलंदाजी करताना 208 धावा केल्या. टीम इंडियाकडून हार्दिक पांड्याने सर्वाधिक 71 धावा, तर केएल राहुलने 55 आणि सूर्यकुमार यादवने 46 धावा केल्या. 209 धावांच्या लक्ष्याचा पाठलाग करताना ऑस्ट्रेलियन संघाने 19.2 षटकांत 6 गडी गमावून हे लक्ष्य गाठले. ऑस्ट्रेलियाकडून कॅमेरून ग्रीनने 61 आणि मॅथ्यू वेडने नाबाद 45 धावा केल्या.

Web Title: Ind Vs Aus Athiya Shetty Instagram Story Kl Rahul India Vs Australia Sports Cricket

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..