IND vs AUS: रोहित प्लेइंग-11 मधून सूर्याचा पत्ता करणार कट? पराभवानंतर कर्णधाराच्या वक्तव्याने उडाली खळबळ

Ind vs Aus ODI Playing 11 : भारतीय क्रिकेट संघाचा मधल्या फळीतील फलंदाज सूर्यकुमार यादव सध्या चाहत्यांच्या निशाण्यावर आला आहे. हा तोच सूर्य आहे ज्याने टी-20 मध्ये धुमाकूळ घातला होता, पण एकदिवसीय सामन्यांमध्ये त्याला अपेक्षित कामगिरी करता आली नाही.

ऑस्ट्रेलियाविरुद्धच्या वनडे मालिकेत श्रेयस अय्यरच्या जागी 32वर्षीय सूर्यकुमार यादवला संधी मिळाली. पण सलग दोन वनडेत सूर्या फ्लॉप ठरला. पहिल्याच चेंडूवर तो विकेट गमावत आहे. दोन्ही वेळा मिचेल स्टार्कने इनस्विंग चेंडूवर सूर्याला विकेटसमोर पायचीत केले. सोशल मीडियावर लोक सूर्यकुमार यादवऐवजी संजू सॅमसनला संघात संधी देण्याच्या चर्चा करत आहेत. पराभवानंतर कर्णधार रोहित शर्माने सूर्यकुमार यादवबद्दल वक्तव्य केले.

सूर्यकुमार यादवच्या जागेला सध्या तरी कोणताही धोका नसल्याचे रोहितने स्पष्ट केले आहे. तो म्हणाला की, एकदिवसीय सामन्यात लय शोधण्यासाठी धडपडणाऱ्या सूर्यकुमार यादवला चांगली कामगिरी करावी लागणार आहे, हे माहीत आहे. गेल्या 16 एकदिवसीय डावात सूर्याला एकही अर्धशतक झळकावता आलेले नाही. न्यूझीलंडविरुद्ध नाबाद 34 ही त्याची सर्वोच्च धावसंख्या आहे.

पराभवानंतर रोहित म्हणाला, 'श्रेयस अय्यरच्या पुनरागमनाबद्दल आम्हाला माहिती नाही. त्यांची जागा रिक्त आहे, त्यामुळे आम्ही सूर्यालाच मैदानात उतरवू. त्याने मर्यादित षटकांमध्ये चांगली कामगिरी केली आहे आणि मी अनेकदा सांगितले आहे की ज्यांच्याकडे क्षमता आहे त्यांना संधी दिली जाईल.

रोहित पुढे म्हणाला, 'सूर्यकुमारला माहित आहे की त्याला वनडेतही चांगली कामगिरी करावी लागेल. क्षमता असलेल्या खेळाडूंना पुरेशी संधी दिली जात नाही असे कधीही वाटू नये, असे मी म्हटले आहे. शेवटच्या 2 सामन्यांमध्ये तो लवकर बाद झाला पण आरामात राहण्यासाठी त्याला सलग 7-8 किंवा 10 सामने द्यावे लागतील.

सध्या त्याला संधी मिळत आहे की कोणी जखमी असेल किंवा उपलब्ध नसेल. संघ व्यवस्थापनाचे काम खेळाडूंना संधी देणे आहे. जेव्हा असे वाटते की तो धावा करत नाहीत, तेव्हा तो याबद्दल विचार करेल. सध्या आम्ही त्या मार्गावर नाही आहोत.