Virat Kohli Breaking : कारकिर्दीत पहिल्यांदाच घरच्या मैदानावर कोहली संपूर्ण मालिकेतून बाहेर; 'या' खेळाडूला मिळाली संधी

Virat Kohli Breaking : भारत आणि इंग्लंड यांच्यातील पाच कसोटी सामन्यांच्या मालिकेतील तिसरा सामना राजकोटमध्ये 15 फेब्रुवारीपासून खेळला जाणार आहे. त्याआधी टीम इंडियाला मोठा झटका बसला आहे. अनुभवी फलंदाज विराट कोहलीने मालिकेतील उर्वरित तीन कसोटी सामन्यांमधून आपले नाव मागे घेतले आहे. इंडियन एक्सप्रेसच्या वृत्तानुसार, विराटने बीसीसीआयला आपल्या निर्णयाची माहिती दिली आहे.

वृत्तानुसार, कोहलीने शुक्रवारी बीसीसीआयला त्याच्या उपलब्धतेची माहिती दिली. त्याच दिवशी निवडकर्त्यांनी राजकोट, रांची आणि धर्मशाला येथे होणाऱ्या कसोटीसाठी संघ निश्चित करण्यासाठी ऑनलाइन बैठक घेतली. विराट कोहली घरच्या मैदानावरील संपूर्ण कसोटी मालिकेतून बाहेर पडण्याची ही पहिलीच वेळ आहे.

वृत्तानुसार, वरिष्ठ निवड समितीने उर्वरित तीन कसोटी सामन्यांसाठी आकाश दीपची निवड करण्याचा निर्णय घेतला आहे. अशा स्थितीत आवेश खान बाहेर जाऊ शकतो.

वृत्तानुसार, मधल्या फळीतील फलंदाज श्रेयस अय्यरही दुखापतीमुळे पुढील तीन कसोटी सामने खेळू शकणार नाही. तर केएल राहुल आणि अष्टपैलू रवींद्र जडेजा मालिकेतील दुसऱ्या कसोटीत खेळले नव्हते. दोघांनाही तंदुरुस्त घोषित करण्यात आले असून त्यांचे पुनरागमन निश्चित आहे. हैदराबाद कसोटीच्या चौथ्या दिवशी जडेजाच्या हाताला दुखापत झाली. दरम्यान, राहुलने उजव्या दुखत असल्याची तक्रार केली होती. दोघांच्या समावेशामुळे भारतीय संघाची बाजू अतिशय संतुलित असेल.