IND vs SL Video : कोहलीचा फॅन आला मैदानात अन् सुर्यकुमार झाला फोटोग्राफर

भारत आणि श्रीलंकेदरम्यान तीन वनडे सामने खेळले गेले. तर काल झालेल्या तिसऱ्या वनडे सामन्यात भारताने बाजी मारत लंकेला ३-० अशी धूळ चारली. या सामन्यात भारताचा स्टार फलंदाज विराट कोहलीने शानदार शतक करत नाबाद १६६ धावा केल्या. याबरोबर त्याने वनडे कारकिर्दीतील ४६ वे आणि आंतरराष्ट्रीय कारकिर्दीतील ७४ वे शतक झळकावले.

हेही वाचा - आर्थिक निर्णय घेताना बनू नका चिंतातूर जंतू....

तर सामन्यादरम्यान एक भावनिक क्षण पाहायला मिळाला. सुरक्षा कवच तोडून विराट कोहलीचे दोन तरूण चाहते मैदानात घुसले आणि त्यांनी थेट विराटलाच गाठले. त्यातील एकाने विराटचे पाय धरल्याचा फोटो व्हायरल होत असून त्यानंतर विराटसोबत फोटो काढण्यासाठी त्यांनी फोन काढला.

दरम्यान, विराटच्या चाहत्याचं प्रेम पाहून सुर्यकुमार यादवने फोन हातात घेऊन त्यांचे फोटो काढले. चाहत्यांसाठी सुर्या फोटोग्राफर बनला अशा प्रतिक्रिया नेटकऱ्यांनी दिल्या आहेत. हे फोटो सध्या सोशल मीडियावर व्हायरल झाले आहेत. तर या घटनेनंतर सुरक्षारक्षकांनी त्यांना मैदानाबाहेर नेले.