'डेफिनेट्ली रोहित सिस्टिम'; DRS वरुन हिटमॅनची धोनीशी तुलना

अहमदाबाद : नरेंद्र मोदी स्टेडियमवर सुरु असलेल्या दुसऱ्या कसोटी सामन्यात भारतीय संघाने पाहुण्या वेस्ट इंडीजची अवस्था बिकट केली. पहिल्यांदा फलंदाजी करताना 239 धावांचे लक्ष्य दिल्यानंतर भारतीय गोलंदाजानी वेस्ट इंडीजच्या फलंदाजांना गुडघे टेकायला भाग पाडले. प्रसिद्ध कृष्णानं संघाला चांगली सुरुवात करुन दिली. त्याने Brandon King रुपात वेस्ट इंडीजला पहिला धक्का दिला. त्याची जागा घेण्यासाठी आलेल्या डॅरेन ब्रावोला त्याने जास्त काळ मैदानात थांबू दिले नाही. प्रसिद्ध कृष्णाने त्याला प्रसिद्ध कृष्णा करवी झेलबाद केले.

भारतीय संघाला (Team India) मिळालेल्या दुसऱ्या विकेटमध्ये कर्णधार रोहित शर्माने (Rohit Shrama) DRS चा वापर केला. यशस्वी रिव्ह्यूनंतर सोशल मीडियावर रोहित शर्माची जोरदार चर्चा सुरु झाली आहे. DRS घ्यावा की नाही यासंदर्भात रोहित शर्माची विचार करण्याची पद्धती माजी कर्णधार महेंद्रसिंग धोनीशी (MS Dhoni) मिळती जुळती आहे, अशा प्रतिक्रिया सोशल मीडियावर उमटत आहेत.

भारतीय संघाच्या यशस्वी कर्णधारापैकी एक असलेल्या धोनीला रिव्ह्यू सिस्टिम म्हणून ओळखले जायचे. त्याने घेतला रिव्ह्या सहजासजी वाया जायचा नाही. आता तोच वारसा पुढे रोहित शर्मा चालवेल, अशी चर्चा सोशल मीडियावर रंगताना दिसते. वेस्ट इंडीज विरुद्धच्या मालिकेतून रोहित शर्माने वनडेत पूर्णवेळ कर्णधाराची जबाबदारी स्विकारली आहे. त्याच्या नेतृत्वाखाली भारतीय संघाने पहिला सामना जिंकून मालिकेत विजयी सलामी दिली. त्यानंतर दुसऱ्या सामन्यासह मालिका जिंकण्यासाठी टीम

प्रसिद्ध कृष्णाच्या षटकाने शॉर्ट पिच टाकलेला चेंडू ब्रावोच्या बॅटची कड घेऊन रिषभ पंतच्या हाती विसावला. पण पंच नितीन मेनन यांनी त्याला नाबाद ठरवले. पंत आत्मविश्वासाने बॅट आणि बॉलचा संपर्क झाल्याचे ओरडून सांगताना दिसला. रोहित शर्माने अधिक वेळ न घेता रिव्ह्यू घेतला आणि त्याचा निकाल भारताच्या बाजूनं लागला. ब्रावोला तंबूचा रस्ता धरावा लागला. या मालिकेत रोहित शर्माने याआधी तीन रिव्ह्यू घेतले होते. ते तिन्ही DRS यशस्वी ठरले. यात आता आणखी एका यशस्वी रिव्ह्यूची भर पडली आहे. याआधी रोहित शर्माच्या DRS निर्णयावरुन लिटल मास्टर सुनील गावसकर यांनीही प्रतिक्रिया दिली होती. आता DRS चे नाव डेफिनेटली रोहित शर्मा सिस्टीम ठेवायला असायला हवे, अशी प्रतिक्रिया दिली होती.