India Vs Pakistan Hockey : भारताने पाकिस्तानला दिली 4 - 0 ने मात, हरमनप्रीतचे दोन गोल

Asian Champions Trophy Hockey 2023 India Vs Pakistan : भारताने पाकिस्तानचा 4 - 0 असा सहज पराभव करत एशियन हॉकी चॅम्पियनशिप 2023 च्या लीग स्टेजमधला आपला चौथा विजय मिळवला. भारताने गुणतालिकेत अव्वल स्थान पटकावले आहे.

भारताने आजच्या सामन्यात 4 पैकी 3 गोल हे पेनाल्टी कॉर्नरवर केले. तर आकाशदीपने 55 व्या मिनिटाला मैदानी गोल केला. हरमनप्रीत सिंहने 15 आणि 23 व्या मिनिटाला गोल करत भारताला 2 - 0 अशी आघाडी घेतली होती.

त्यानंतर जुगराज सिंहने 36 व्या मिनिटाला तिसरा गोल करत तिसऱ्या क्वार्टरमध्ये भारताची आघाडी 3 - 0 अशी नेली. त्यानंतर चौथ्या क्वार्टरमध्ये भारताला बराचकाळ पाकिस्तानचा गोलपोस्ट भेदण्यात यश आले नाही. अखेर 55 व्या मिनिटाला आकाशदीप सिंगने मैदानी गोल करत भारताला 4 - 0 असा शानदार विजय मिळवून दिला.

हाफ टाईमपर्यंत भारताने पाकिस्तानवर 2 - 0 अशी आघाडी घेतली होती. तिसऱ्या क्वार्टरमध्ये भारतीय संघाने ही आघाडी 3 - 0 अशी वाढवली. जुगराज सिंहने 36 व्या मिनिटाला पेनाल्टी कॉर्नरवर गोल केला.

दुसऱ्या क्वार्टरमध्ये 23 व्या मिनिटाला देखील भारताचा स्टार खेळाडू हरमनप्रीत सिंगने पाकिस्तानवर पेनाल्टी कॉर्नरवरून दुसरा गोल केला. हाफ टाईमपर्यंत भारताने पाकिस्तानवर 2 - 0 अशी आघाडी घेतली आहे.

दुसरा क्वार्टर सुरू होताच भारताने गोलचे खाते उघडले. हरमनप्रीत सिंगने पेनाल्टी कॉर्नरवर पहिला गोल करत सामन्यात 1 - 0 अशी आघाडी घेतली.

भारत आणि पाकिस्तान यांच्यातील सामना म्हटलं की दोन्ही संघ जीव तोडून खेळत असतात. याचीच प्रचिती आजच्या हिरो एशियन चॅम्पियन्स हॉकीच्या लीग स्टेजमधील सामन्यात दिसून आली.

पाकिस्तानने पहिल्या क्वार्टरटमधील भारताचे आक्रमण चांगल्या प्रकारे थोपवून धरलं. भारताला 8 व्या मिनिटाला गोल करण्याची संधी मिळाली होती. मात्र पाकिस्तानच्या बचाव फळीने मनदीप सिंगला त्यांचा गोलपोस्ट भेदण्याची संधी दिली नाही.

भारताच्या जारमनप्रीत सिंगने मनदीप सिंहला चांगला पास दिला. त्यानंतर मनदीप सिंगने गोल करण्याचा प्रयत्न केला मात्र पाकिस्तानी वचाव फळीने त्याला संधी दिली नाही. भारताची चांगली संधी वाया गेली.

सेमी फायनलमध्ये स्थान मिळवण्यासाठी धडपडणाऱ्या पाकिस्तानने भारताविरूद्ध पहिल्या क्वार्टरच्या सुरूवातीला चांगली सुरूवात केली.