IND vs PAK : भारत-पाक सामना पाहताना 34 वर्षीय व्यक्तीचा हृदयविकाराच्या झटक्याने मृत्यू

India vs Pakistan : कधीही न विसरता येणारा क्रिकेट सामना रविवारी मेलबर्नमध्ये खेळला गेला. भारतीय संघाने 90 हजार प्रेक्षकांसमोर पाकिस्तानचा चार गडी राखून पराभव केला. या विजयासह त्याने टी-20 वर्ल्ड कपमध्ये धमाकेदार सुरुवात केली. दोन्ही संघांनी जबरदस्त खेळ दाखवला. दरम्यान भारतामध्ये एक धक्कादायक घटना घडली आहे.

आसामच्या शिवसागर जिल्ह्यात रविवारी भारत-पाकिस्तान टी-20 क्रिकेट सामना पाहताना एका 34 वर्षीय व्यक्तीचा हृदयविकाराच्या झटक्याने मृत्यू झाला. सामना पाहत असताणा तो व्यक्ती अचानक बेशुद्ध झाला आणि खाली पडला. मृताच्या मित्रांनी त्याला तातडीने रुग्णालयात नेले असता डॉक्टरांनी त्याला मृत घोषित केले. बिटू गोगोई असे मृताचे नाव आहे.

सूत्रांनी दिलेल्या माहितीनुसार, क्रिकेट सामन्यादरम्यान सिनेमागृहात निर्माण झालेल्या प्रचंड आवाजाच्या प्रदूषणामुळे बिटूला हृदयविकाराचा झटका आला. दरम्यान, जिल्हा पोलिसांनी या घटनेचा तपास सुरू केला आहे. मृतदेह पोस्टमॉर्टमसाठी पाठवण्यात आला आहे.