India Women’s World Cup 2025 Victory
esakal
Team India wins the ICC Women’s Cricket World Cup 2025, defeating South Africa by 52 runs. :आयसीसी महिला क्रिकेट विश्वकप स्पर्धेत भारताने दक्षिण आफ्रिकेचा ५२ धावांनी पराभव केला आहे. या विजयासह भारतीय संघाने पहिल्यांदाच विश्वकप ट्रॉफीवर नाव कोरलं आहे. याशिवाय महिला वनडे वर्ल्ड कप जिंकणारा भारत चौथा संघ ठरला आहे. यापूर्वी ऑस्ट्रेलिया, इंग्लंड आणि न्यूझीलंड यांनी विजेतेपद जिंकले आहे.
भारताच्या या विजयात अष्टपैलू दीप्ती शर्मा आणि शफाली वर्मानं महत्त्वाचं योगदान दिलं. या दोघींनीही अंतिम सामन्यात फलंदाजी आणि गोलंदाजीतही महत्त्वाची भूमिका बजावत भारताच विजय निश्चित केला. भारताकडून शफाली वर्माने सर्वाधिक ८७ धावांची खेळी केली. तर दीप्ती शर्माने ५८ चेंडूत ५८ धावांची, स्मृती मानधनाने ४५ धावांची, तसेच ऋचा घोषनेही २४ चेंडूत ३४ धावांची आक्रमक खेळी केली.