भारतीय फलंदाजांनी १४५ वर्षात झाले नाही ते करुन दाखवले | All Indian Batsmen Out In Same Manner | Sakal
sakal

बोलून बातमी शोधा

All Indian Batsmen Out In Same Manner
Virat Kohli Cheteshwar Pujara
भारतीय फलंदाजांनी १४५ वर्षात झाले नाही ते करुन दाखवले

भारतीय फलंदाजांनी १४५ वर्षात झाले नाही ते करुन दाखवले

केपटाऊन : दक्षिण आफ्रिकेविरुद्धची तीन सामन्यांची कसोटी मालिका १ -१ अशी बरोबरीत आली आहे. त्यामुळे तिसरी कसोटी मालिकेचा विजेता निश्चित करणार आहे. या निर्णायक कसोटीत (Cape town Test) भारताने पहिल्यांदा फलंदाजी करत फारशी चमक दाखवली नाही. विराट कोहलीच्या ७९ धावांच्या जोरावर भारताने २२३ धावा केल्या. तर दुसऱ्या डावातही ऋषभ पंतच्या शतकी खेळीमुळे भारत १९८ धावांपर्यंत मजल मारु शकला. भारताच्या इतर फलंदाजांनी (Indian Batsmen) फारशी चकम दाखवली नसली तरी त्यांनी तिसऱ्या कसोटी एक विश्वविक्रम (World Record) करुन दाखवला. कसोटी क्रिकेट (Test Cricket) इतिहासात १४५ वर्षात जे घडले नाही ते भारतीय फलंदाजांनी करुन दाखवले. ( All Indian Batsmen Out In Same Manner in Cape town Test)

हेही वाचा: VIDEO : पंतचा तडाखा! बॅट एका बाजूला अन् बॉल दुसऱ्या बाजूला

भारताने (India) तिसऱ्या कसोटीत नाणेफेक जिंकून प्रथम फलंदाजी करण्याचा निर्णय घेतला. भारताचा पहिला डाव २२३ धावात संपुष्टात आला. विशेष म्हणजे या डावात भारताचे सर्व १० फलंदाज हे झेलबाद झाले. दुसऱ्या डावातही भारताला फारशी चांगली फलंदाजी करता आली नाही. भारताचा संपूर्ण संघ १९८ धावात पॅव्हेलियनमध्ये परतला. याही डावात भारताचे सर्व फलंदाज झेलबाद होऊन माघारी परतले.

हेही वाचा: DRS वर विराट भडकला, फिल्ड अंपायरची धक्कादायक रिअ‍ॅक्शन

कसोटी क्रिकेट इतिहासातील (Test Cricket History) पहिला कसोटी सामना हा १८७७ मध्ये ऑस्ट्रेलिया (Australia) आणि इंग्लंड (England) यांच्यात खेळला गेला होता. हा पहिला कसोटी सामना मेलबर्नमध्ये झाला होता. यात ऑस्ट्रेलियाने विजय मिळवला होता. तेव्हापासून कसोटी सामन्यात एका संघाचे दोन्ही डावात सर्व फलंदाज एकाच प्रकारे बाद झालेले नव्हते. मात्र हा विश्वविक्रम भारतीय फलंदाजांनी केपटाऊन कसोटीत करुन दाखवला.

हेही वाचा: 'विराटच्या वागण्याचा मुलं काय आदर्श घेतील?'

केपटाऊन कसोटी (Cape town Test) रंगतदार स्थितीत पोहचली आहे. भारताने दक्षिण आफ्रिकेसमोर विजयासाठी २१२ धावांचे लक्ष्य ठेवले आहे. तिसऱ्या दिवसअखेर दक्षिण आफ्रिकेने २ बाद १०१ धावांपर्यंत मजल मारली होता. आता चौथ्या दिवशी दक्षिण आफ्रिकेला (South Africa) १११ धावा करायच्या आहेत तर भारताला आफ्रिकेच्या ८ विकेट्स घ्यायच्या आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top