- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
भारतीय क्रिकेट महिला संघ सध्या वेस्ट इंडिजच्या दौऱ्यावर आहे. एकदिवसीय क्रिकेट मालिका जिंकल्यानंतर वेस्ट इंडिजविरुद्धच्या ट्वेंटी-20 मालिकेची सुरुवातही जोरदार केली आहे. रविवारी झालेल्या पहिल्या ट्वेंटी-20 सामन्यात भारताच्या महिला टीमने वेस्ट इंडिजवर 84 धावांनी विजय मिळवला. आणि पाच सामन्यांच्या मालिकेत 1-0 अशी आघाडी घेतली.
या सामन्यात लक्ष्य वेधून घेतलं ते 15 वर्षीय शेफाली वर्मानं. शेफालीने 49 चेंडूत 73 धावांची अर्धशतकी खेळी साकारली. ही खेळी करताना तिने मास्टर ब्लास्टर सचिन तेंडुलकरच्या नावावर असलेला एक विक्रम मोडीत काढला. आंतरराष्ट्रीय क्रिकेट सामन्यात अर्धशतक लगावणारी सर्वात कमी वयाची खेळाडू ठरण्याचा विक्रम आता शेफालीच्या नावावर नोंदविला गेला आहे. सचिन 16 वर्ष आणि 213 दिवसांचा असताना त्याने कसोटी क्रिकेटमध्ये पहिली अर्धशतकी खेळी साकारली होती. तर शेफाली 15 वर्ष आणि 285 दिवसांची असताना तिनं अर्धशतकी खेळी साकारत सचिन तेंडुलकरचा विक्रम आपल्या नावावर केला.
पहिल्यांदा फलंदाजीसाठी मैदानात उतरलेल्या शेफाली आणि स्मृती मानधना या भारतीय महिला सलामीवीरांगणांनी मोठ्या धावसंख्येचा पाया रचला. शेफालीनं 6 चौकार आणि 4 षटकार लगावत 73 धावांची खेळी केली. शेफालीचं हे ट्वेंटी-20 क्रिकेटमधील पहिलं अर्धशतक ठरले. तर स्मृतीने 46 चेंडूंत 11 चौकारांच्या बळावर 67 धावांची अर्धशतकी खेळी केली. कर्णधार हरमनप्रीत कौर (21) आणि वेदा कृष्णमूर्ती (नाबाद 15) यांनी धावफलक हलता ठेवला. भारताने वेस्ट इंडिजसमोर 20 षटकांत 4 खेळाडूंच्या मोबदल्यात 185 धावांचे लक्ष्य उभारले.
185 धावांच्या लक्ष्याचा पाठलाग करण्यासाठी मैदानात उतरलेल्या वेस्ट इंडिज महिला संघाला 20 षटकांत 9 बाद 101 धावाच करता आल्या. शेमैन कॅम्प्बेल (33 धावा) वगळता विंडीजच्या एकही खेळाडू मोठी खेळी साकारू शकली नाही. शिखा पांडे, राधा यादव, पूनम यादव या भारतीय गोलंदाजांनी टिच्चून मारा करताना प्रत्येकी दोन बळी मिळवले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.