आयपीएल २०२२ भारतातच; महाराष्ट्रातील दोन शहरे चर्चेत

नवी दिल्ली: आयपीएल 2022 (IPL 2022) भारतातच होणार असून, कोरोनाचा धोका लक्षात घेता प्रेक्षकांना मैदानात प्रवेश दिला जाणार नसल्याचा महत्त्वाचा निर्णय घेण्यात आला आहे. कोरोनामुळे IPL 2020 चे UAE मध्ये आयोजन करण्यात आले होते. याशिवाय, गेल्या वर्षी पहिल्या टप्प्यानंतर ही लीग यूएईला हलविण्यात आली होती. याबाबत एएनआयने ट्वीट केले आहे.

दरम्यान,आयपीएलचे आयोजन यावेळी फक्त मुंबईत होणार आहे. मुंबईतील वानखेडे, क्रिकेट क्लब ऑफ इंडिया आणि डीवाय पाटील स्टेडियमवर सामने होणार आहेत. गरज भासल्यास पुण्यात आयपीएलचे सामने आयोजित केले जातील, अशी देखील माहिती सूत्रांनी दिली आहे.