IPL 2023 Opening Ceremony : अरिजीतचा स्वर तर रश्मिकाच्या अदांनी आयपीएलच्या 16 व्या हंगामाचा फुटला नारळ

IPL 2023 Opening Ceremony : इंडियन प्रीमियर लीगचा 16 वा हंगाम दणक्यात सुरू करण्यासाठी बीसीसीआयने कोणतीही कसर ठेवलेली नाही. कोरोना काळानंतर पहिल्यांदाच कोणतेही निर्बंध न लावता आयपीएल पूर्वीच्या रूपात चाहत्यांसमोर येत आहे. आता आयपीएलमध्ये आठ ऐवजी दहा संघ असतील आणि हे दहा संघ आपल्या होम ग्राऊंडवर खेळणार आहेत. त्यामुळे चाहत्यांना आपल्या आवडत्या संघाला होम ग्राऊंडवरून चिअर करण्याची संधी मिळणार आहे.

यंदाच्या हंगामाची दमदार सुरूवात करण्यासाठी उद्घाटन सोहळ्याला भारतातील प्रसिद्ध गायक अरिजीत सिंग, नॅशनल क्रश रश्मिका मानधना आणि तमन्ना भाटिया यांची उपस्थिती होती. या सर्व स्टार्सनी आयपीएलच्या पहिल्या सामन्यापूर्वी आपली कला सादर करत चाहत्यांचे मनोरंजन केले. या उद्घाटन सोहळ्याच्या सर्व अपडेट एका क्लिकवर

आघाडीची अभिनेत्री रश्मिका मंधाना आणि तमन्ना भाटिया यांनी ओपनिंग सेरेमनीला आपल्या नृत्याविष्काराने चार चांद लावले.

प्रसिद्ध गायक अरिजीत सिंगने ए वतन वतन, झुमे जो पठाण, ओम नम: शिवाय अशा प्रसिद्ध गाण्याने प्रेक्षकांना मंत्रमुग्ध केले.

महिला प्रीमियर लीग प्रमाणे आयपीएल 2023 च्या उद्घाटन सोहळ्याची सुरूवात देखील प्रसिद्ध क्रिकेट प्रेझेंटर मंदिरा बेदीने आपल्या ओपनिंग रिमार्कने केली.

आयपीएल 2023 ची सुरूवात उद्घाटन सोहळ्याने सुरूवात होत आहे.