आफ्रिकेतील टी 20 लीग टीम लिलावात IPL फेंचायजींचा 'व्हाईट वॉश'

केपटाऊन : क्रिकेट दक्षिण आफ्रिका (Cricket South Africa) पुढच्या वर्षी एक नवी टी 20 लीग (T20 league) सुरू करणार आहे. या लीगसाठीच्या सहा संघाची लिलाव प्रक्रिया नुकतीच पार पडली. या लिलाव प्रक्रियेत आयपीएलच्या फ्रेंचायजींनी (IPL Franchise) व्हाईट वॉशच दिली. सर्व सहा संघांवर आयपीएल फ्रेंचायजींनी आपली मोहर उमटवली आहे. त्यामुळे सोशल मीडियावर दक्षिण आफ्रिकेच्या या लीगला आयपीएल म्हणूनच संबोधले जात आहे. मुंबई इंडियन्स(MI), चेन्नई सुपर किंग्ज(CSK), लखनौ सुपर जायंट्स(LSG), सनराईजर्स हैदराबाद(SRH), राजस्थान रॉयल्स(RR) आणि दिल्ली कॅपिटल्स (DC) यांनी दक्षिण आफ्रिकेतील या नव्या टी 20 लीगमधील सगळे 6 संघ या संघांनी विकत घेतले आहेत.

दक्षिण आफ्रिका क्रिकेटचे निर्देशक आणि माजी कर्णधार ग्रॅम स्मिथने या सर्व फ्रेंचायजींचे अभिनंदन केले. तो म्हणाला की, 'आम्ही जानेवारी आणि फेब्रुवारी 2023 मध्ये होणाऱ्या दक्षिण आफ्रिका लीगच्या फ्रेंचायजी मालकांचे स्वागत करतो. हा दक्षिण आफ्रिका क्रिकेटसाठी एक रोमहर्षक क्षण आहे.' या लीगचा कमिश्नर ग्रॅम स्मिथ पुढे म्हणाला की, 'यावरून जागतिक क्रिकेट विश्वात दक्षिण आफ्रिकेचे महत्व अजूनही अबाधित आहे.'

साऊथ आफ्रिका टी 20 लीग आणि संघ मालक

• केपटाऊन फ्रेंचायजी - मुंबई इंडियन्सचे मालक

• जोहान्सबर्ग फ्रेंचायजी - सीएसकेचे मालक

• डर्बन फ्रेंचायजी - लखनौ सुपर जायंटचे मालक

• प्रिटोरिया फ्रेंचायजी - दिल्ली कॅपिटल्सचे मालक

• पार्ल फ्रेंचायजी - राजस्थान रॉयल्स मालक

• पोर्ट एलिझाबेथ फ्रेंचायजी - सनराईजर्स हैदराबादचे मालक