नवी दिल्ली : बेन स्टोक्स (Ben Stokes) इंग्लंडच्या कसोटी संघाचा कर्णधार (England Test Team Captain) होणार यावर शिक्कामोर्तब झाले आहे. इंग्लंडची आघाडीची वेबसाईट डेली मेलने बेन स्टोक्स कसोटी कर्णधार होण्यासाठी सहमती दर्शवली असल्याचे सांगितले. लवकरच इंग्लंड क्रिकेट बोर्ड याची अधिकृत घोषणा करणार आहे. काही दिवसांपूर्वीच वेस्ट इंडीजमधील मालिका गमावल्यानंतर जो रूटने कर्णधार पदाचा राजीनामा दिला होता. तेव्हापासूनच स्टोक्स इंग्लंडचा भावी कसोटी कर्णधार होणार अशी चर्चा सुरू होती. दरम्यान आता स्टोक्सच्या नावावर शिक्कामोर्तब होत असतानाच संघाचे मुख्य प्रशिक्षक (Head Coach) म्हणून गुजरात टायटन्सचे मेंटॉर (Gujarat Titans Mentor) गॅरी कर्स्टन (Gary Kirsten) यांच्या नावाची चर्चा सुरू झाली आहे.
माध्यमांनी दिलेल्या वृत्तानुसार गॅरी कर्स्टन यांनी ते या रोलसाठी उपलब्ध असल्याचे सांगितले होते. यंदाचा आयपीएल हंगाम झाल्यानंतर गॅरी कर्स्टन गुजरात टायटन्सचा करार मोडण्याची शक्यता आहे. इंग्लंडच्या प्रशिक्षक पदासाठी ओटिस गिब्सन, सामयन कॅटिच यांच्या नावाची देखील जोरदार चर्चा आहे. मात्र या नावात सर्वात आघाडीवर गॅरी कर्स्टन यांचे नाव आहे. त्यांचीच कसोटी आणि मर्यादित षटकांच्या इंग्लंड संघाचे प्रशिक्षक म्हणून नियुक्ती होऊ शकते. दरम्यान, बेन स्टोक्सने रॉब की यांच्या बरोबर झालेल्या भेटीवेळी कार्यकारी संचालकांकडे त्वरित स्टुअर्ट ब्रॉड आणि जेम्स अँडरसनला संघात घेण्याची मागणी केली आहे. भावी कर्णधाराने दोन्ही खेळाडूंना पुनरागमनाचे आश्वासन दिले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
