Video: व्यंकटेश अय्यरची खेळी पॉवरफुल; मुंबईची झाली बत्ती गुल

IPL 2021 MI vs KKR: कोलकाताने मुंबईवर ७ गडी राखून विजय मिळवला. मुंबईने सलामीवीर क्विंटन डी कॉक याने अर्धशतकी खेळीच्या (५५) जोरावर २० षटकात ६ बाद १५५ धावांपर्यंत मजल मारली होती. या आव्हानाचा पाठलाग कोलकाताचा शुबमन गिल लवकर बाद झाला. पण कोलकाता संघाचा दुसरा सलामीवीर व्यंकटेश अय्यर (५३) आणि राहुल त्रिपाठी (७४*) यांच्या फटकेबाजीच्या जोरावर KKR ने मुंबईवर धडाकेबाज विजय मिळवला.

कोलकाताचा व्यंकटेश अय्यर याने रॉयल चॅलेंजर्स बंगळुरू विरूद्धच्या सामन्यात आपल्या खेळीची झलक दाखवली होती. त्याने त्या सामन्यात नाबाद ४१ धावा केल्या होत्या. आज मुंबईविरूद्ध त्याला मोठी खेळी करण्याची संधी मिळाली. त्याने पॉवर प्ले च्या सहा षटकांत तुफान फटकेबाजी केली. ट्रेंट बोल्ट, अडम मिल्न, जसप्रीत बुमराह, राहुल चहर, कृणाल पांड्या साऱ्याच गोलंदाजांचे चेंडू त्याने सीमारेषेपार पोहोचवले. त्याच्या दमदार खेळीच्या जोरावर त्याने IPL मधील आपले पहिले अर्धशतक ठोकले. त्याने ३० चेंडूत ४ चौकार आणि ३ षटकारांच्या मदतीने ५३ धावांची खेळी केली.

पाहा त्याच्या खेळीची झलक-