esakal | Video: दिनेश कार्तिकने थेट स्टेडियमच्या बाहेर मारला षटकार | Dinesh Karthik Six
sakal

बोलून बातमी शोधा

Dinesh-Karthik-Six-Video

तुम्ही पाहिलात का त्याचा 'हा' फटका?

Video: दिनेश कार्तिकने थेट स्टेडियमच्या बाहेर मारला षटकार

sakal_logo
By
विराज भागवत

IPL 2021 KKR vs RR: राजस्थान विरूद्धच्या अतिमहत्त्वाच्या सामन्यात कोलकाताच्या संघाने धडाकेबाज फलंदाजी केली. शारजाच्या मैदानावर कोलकाताने २० षटकात १७१ धावा कुटल्या आणि राजस्थानला १७२ धावांचे आव्हान दिले. शुबमन गिलने संघाला धडाकेबाज सुरूवात करून दिली. त्याच्या ५६ धावांच्या खेळीमुळे संघाला चांगली सुरूवात मिळाली. तर दिनेश कार्तिक आणि इयॉन मॉर्गन जोडीने शेवटच्या षटकांमध्ये तुफान फटकेबाजी करत संघाला १७०पार मजल मारली. त्यातही कार्तिकच्या षटकाराची विशेष चर्चा रंगली.

हेही वाचा: CSKच्या चहरने मैदानाबाहेर जिंकला 'रोमँटिक' सामना; पाहा Video

दिनेश कार्तिक जेव्हा खेळायला आला तेव्हा मुस्तफिजूर रहमान गोलंदाजी करत होता. कार्तिकला मुस्तफिजूरने वेगवान चेंडू टाकला. कार्तिकनेदेखील त्या चेंडूचा चांगलाच समाचार घेतला. चेंडू कार्तिकच्या शरीराजवळ जात असताना त्याने जोरदार तडाखा मारला. त्याने लगावलेला षटकार थोडाथोडका नव्हे तर थेट स्टेडियमच्या बाहेर गेला.

पाहा Video:

हेही वाचा: भरमैदानात चहरने केलं प्रपोज.. 'ती' तरूणी आहे तरी कोण?

दरम्यान, नाणेफेक गमावलेल्या कोलकाता संघाला आजच्या सामन्यात मोठा विजय आवश्यक असताना सलामीवीरांनी दमदार सुरूवात केली. शुबमन गिल आणि व्यंकटेश अय्यर यांनी तुफान फटकेबाजी केली. अय्यरने ३८ तर शुबमन गिलने ५६ धावा केल्या. हे दोघे बाद झाल्यानंतर नितीश राणा (१२) आणि राहुल त्रिपाठी (२१) झटपट बाद झाले. अखेर दिनेश कार्तिक (नाबाद १३) आणि मॉर्गनने (नाबाद १४) संघाला १७१ धावांपर्यंत मजल मारून दिली.

loading image
go to top