KKR vs RR : सलग पाच पराभवानंतर अखेर केकेआर जिंकली

मुंबई : अखेर कोलकाता नाईट रायडर्सने आपली पाच पराभवांची मालिका खंडित करत विजयाची चव चाखली. केकेआरने राजस्थानचे 153 धावांचे आव्हान 19.1 षटकात 3 फलंदाजाच्या मोबदल्यात पार केले. केकेआरकडून नितीश राणाने नाबाद 48 तर रिंकू सिंहने नाबाद 42 धावांची खेळी केली. कर्णधार श्रेयस अय्यरने देखील 34 धावांचे योगदान दिले. प्रथम फलंदाजी करणाऱ्या राजस्थानने कर्णधार संजू सॅमसनच्या 54 धावांच्या जोरावर 152 धावा केल्या होत्या.

पाहा हायलाईट्स

नितीश राणा आणि रिंकू सिंहने चौथ्या विकेटसाठी नाबाद अर्धशतकी भागीदारी रचली. या दोघांनी सामना शेवटच्या षटकापर्यंत नेला. अखेर 6 चेंडूत विजयासाठी 1 धावेची गरज असताना

श्रेयस अय्यर आणि नितीश राणा यांनी तिसऱ्या विकेटसाठी 60 धावांची भागीदारी रचली. मात्र ही भागीदारी बोल्टने संपवली. त्याने कर्णधार श्रेयस अय्यरला 34 धावांवर बाद केले.

प्रसिद्ध कृष्णाने केकेआरला पॉवर प्लेमध्ये दुसरा धक्का दिला. त्याने बाबा इंद्रजीतला 15 धावांवर बाद केले.

कुलदीप सेनने केकेआरचा सलामीवीर फिंचला 4 धावांवर बाद करत पहिला धक्का दिला.

हेटमायरने स्लॉग ओव्हरमध्ये चांगली हाणामारी करत 13 चेंडूत 27 धावा चोपल्या. त्याच्या या खेळीमुळे राजस्थानने 20 षटकात 5 बाद 152 धावांपर्यंत मजल मराली.

राजस्थानला स्लॉग ओव्हरमध्ये पाठोपाठ दोन धक्के बसले. 17 व्या षटकाच्या अखेरच्या चेंडूवर रियान पराग बाद झाला. त्यानंतर 49 चेंडूत 54 धावांची झुंजार अर्धशतकी खेळी करणारा संजू सॅमसनला शिवम मावीने बाद केले.

टीम साऊदीने राजस्थानला चौथा धक्का दिला. त्याने रियान परागला 19 धावांवर बाद केले.

दुसऱ्या बाजूने ठराविक अंतराना विकेट पडत असताना कर्णधार संजू सॅमसनने झुंजार अर्धशतकी खेळी करत राजस्थानला शंभरी पार करून दिली.

डॅलेर मिचेलच्या जागी संधी मिळालेल्या करूण नायरने निराशा केली. तो 13 चेंडूत 13 धावा करून बाद झाला. त्याला अनुकूल रायने बाद केले.

राजस्थानची पहिली विकेट लवकर बाद झाल्यानंतर जॉस बटलर आणि संजू सॅमसन यांनी राजस्थानचा डाव सावरत दुसऱ्या विकेटसाठी 48 धावांची भागीदारी रचली. मात्र ही जोडी टीम साऊदीने फोडली. त्याने जॉस बटलरला 22 धावांवर बाद केले.

उमेश यादवने देवदत्त पडिक्कलला अवघ्या 2 धावांवर बाद करत राजस्थानला पहिला धक्का दिला.

कोलकाता नाईट रायडर्सने नाणेफेक जिंकून प्रथम गोलंदाजी करण्याचा निर्णय घेतला.