PL 2022 : गहुंजे येथील एमसीए स्टेडीयमवर क्रिकेट सामना सुरु असताना एक प्रेक्षक सुरक्षाकडे तोडून थेट मैदानात शिरला. विराट कोहलीकडे धावत जात हात मिळविण्याचा प्रयत्न करीत रोहित शर्माच्या दिशेने धावत गेला. दरम्यान, पोलिसांनी त्याला अडविले असता त्याने पोलिसांशी वाद घालत गोंधळ घातला. या प्रेक्षकावर गुन्हा दाखल झाला असून पोलिसांनी त्याला अटक केली आहे.(IPL 2022 Update News)
शरत राजेंद्र जाधव, (वय २६ , रा. केसुर्डी, ता. खंडाळा, जि. सातारा) याला तळेगाव दाभाडे पोलिसांनी अटक केली आहे. सध्या गहुंजे स्टेडियमवर आयपीएलचे सामने सुरु आहेत. शनिवारी (ता. ९) रात्रीचा सामना पाहण्यासाठी जाधव येथे आला होता.
दरम्यान, आरसीबी (रॉयल चॉलेंजर्स, बेंगलुरु) हा संघ फलंदाजी करीत असतांना जाधव हा सुरक्षाकडे तोडून थेट मैदानात शिरला. त्याठिकाणी विराट कोहली याचे सोबत हात मिळवण्याचा प्रयत्न केला. त्यानंतर रोहीत शर्मा याचे दिशेने धावत जात असतांना त्याला पोलिसांनी ताब्यात घेतले. ताब्यात घेऊन मैदानाबाहेर येत असतांना त्याने पोलिसांशी वाद घातला. पोलिसांच्या अंगावर धावून जात झटापट करीत गोंधळ घातला. दरम्यान, जाधव याच्यावर तळेगाव दाभाडे पोलिस ठाण्यात गुन्हा दाखल करून त्याला अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.