IPL 2022 : कोलकता नाईट रायडर्स (KKR) ने बुधवारी रात्री IPL 2022 मध्ये मुंबई इंडियन्सवर शानदार विजय मिळवून गुणतालिकेत अव्वल स्थान गाठले आहे. केकेआरने चारपैकी तीन सामने जिंकून 6 गुण मिळवले आहेत. बुधवारी पुण्यातील एमसीए स्टेडियमवर केकेआरने मुंबई इंडियन्सचा ५ गडी राखून पराभव केला. आयपीएलच्या १५ व्या मोसमातील मुंबईचा हा सलग तिसरा पराभव होता. यासह मुंबईचा संघ आयपीएलच्या गुणतालिकेत 9व्या स्थानावर पोहोचला आहे.
ऑरेंज कॅप -
राजस्थान रॉयल्सचा फलंदाज जोस बटलरने सध्या इंडियन प्रीमियर लीग 2022 मध्ये सर्वाधिक धावा करण्यात अवलं आहे. त्याने तीन सामन्यांत 205 धावा केल्या आहेत. दुसरीकडे, मुंबईचा सलामीवीर इशान किशनने 135 धावा केल्या आहेत. त्याचवेळी रॉयल चॅलेंजर्स बंगळुरूचा कर्णधार फाफ डू प्लेसिस आयपीएलमधील ऑरेंज कॅपच्या यादीत तिसऱ्या क्रमांकावर आहे.
पर्पल कॅप -
वेगवान गोलंदाज उमेश यादवने आतापर्यंत 4 सामन्यात नऊ विकेट्स घेतल्या आहेत. उमेश वाढत्या अनुभवाबरोबर गोलंदाजी घातक होत आहे. दुसरा क्रमांक राजस्थान रॉयल्सचा युझवेंद्र चहल आणि तिसरा क्रमांक लखनऊ सुपर जायंट्सचा आवेश खान आहे. दोघांच्या नावे तीन सामन्यांत प्रत्येकी 7 विकेट आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.