RCB vs SRH : हैदराबाद समोर बेंगलोरची सपशेल शरणागती; पाहा Highlights

विल्यमसनने आठव्या षटकाच्या शेवट्च्या चेंडूवर षटकार मारत सामना जिंकून दिला.

सलामीवीर अभिषेक शर्मा आणि केन विल्यमसन यांनी पॉवर प्लेमध्येच 56 धावा ठोकल्या. त्यात अभिषेक शर्माच्या आक्रमक 47 धावांचा मोठा वाटा होता. मात्र सामना जिंकण्यासाठी 5 धावांची गरज असताना अभिषेक मोठा फटका मारण्याच्या नादात बाद झाला.

भुवनेश्रर कुमारने मोहम्मद सिराजला बाद करत आरसीबीचा डाव 68 धावात संपवला.

मार्को जेनसेनच्या माऱ्यानंतर नटराजनने आरसीबीचे कंबरडे मोडले. त्याने वानिंदू हसरंगाला 8 धावांवर बाद करत आरसीबीला 9 वा धक्का दिला.

टी नटराजनने आपला दुसरा बळी मिळवला. त्याने हर्षल पटेलला 4 धावांवर बाद करत आरसीबीला आठवा धक्का दिला.

उम्रान मलिकने आपल्या वेगाने शाहबाज अहमदला 7 धावांवर बाद केले.

जगदीशा सुचितने आठव्या षटकात डबल धमाका केला. त्याने षटकाच्या दुसऱ्या चेंडूवर 15 धावा करणाऱ्या सुयश प्रभुदेसाईला बाद केले. त्यानंतर पाचव्या चेंडूवर धोकादायक दिनेश कार्तिकला शुन्यावर बाद करत आरसीबीला मोठा धक्का दिला.

टी नटराजनने आधीच अडचणीत सापडलेल्या आरसीबीला अजून अडचणीत आणले. त्याने मॅक्सवेलला 12 धावांवर बाद केले.

जेनसेनने एकाच षटकात तीन शिकार केल्या. विराट पाठोपाठ अनुज रावत देखील भोपळाही न फोडता माघारी गेला.

मार्को जेनसेनने ड्युप्लेसिसला बाद केल्यानंतर पुढच्याच चेंडूवर विराट कोहलीला देखील शुनव्यावर बाद केले. विराट कोहली सलग दुसऱ्या सामन्यात पहिल्याच चेंडूवर बाद झाला आहे.

हैदराबादने नाणेफेक जिंकून प्रथम गोलंदाजी करण्याचा निर्णय घेतला आहे. दोन्ही संघांनी आपल्या विनिंग कॉम्बिनेशनमध्ये कोणताही बदल केलेला नाही.

मुंबई : सनराईजर्स हैदराबादने आपला विनिंग फॉर्म बलाढ्य रॉयल चॅलेंजर बेंगलोर समोर देखील कायम राखला. त्यांनी प्रथम गोलंदाजी करताना आरसीबीला 68 धावात गुंडाळले. त्यानंतर हे आव्हान एका फलंदाजाच्या मोबदल्यात 8 व्या षटकात पार केले. हैदराबादकडून सलामीवीर अभिषेक शर्माने दमदार 47 धावा ठोकल्या. तर कर्णधार केन विल्यमसनने सावध फलंदाजी करत 17 चेंडूत 16 धावा केल्या.

रॉयल चॅलेंजर बेंगलोरने ठेवलेले 69 धावांचे माफक आव्हान सनराईजर्स हैदराबादच्या सलामीवीरांनीच पार करण्याचा प्रयत्न केला. सलामीवीर अभिषेक शर्मा आणि केन विल्यमसन यांनी पॉवर प्लेमध्येच 56 धावा ठोकल्या. त्यात अभिषेक शर्माच्या आक्रमक 47 धावांचा मोठा वाटा होता. मात्र सामना जिंकण्यासाठी 5 धावांची गरज असताना अभिषेक मोठा फटका मारण्याच्या नादात बाद झाला. त्यानंतर विल्यमसनने आठव्या षटकाच्या शेवट्च्या चेंडूवर षटकार मारत सामना जिंकून दिला.