VIDEO | SRH vs GT : गुजरातचा विजयी रथ हैदराबादने रोखला; पाहा Highlights

हैदराबादला दमदार सुरुवात करून देणारी जोडी अखेर राशिद खानने फोडली. त्याने 32 चेंडूत 42 धावा करणाऱ्या अभिषेक शर्माला बाद केले.

गुजरातच्या 163 धावांच्या आव्हानाचा पाठलाग करताना सनराईजर्स हैदराबादचे सलामीवीर केन विल्यमसन आणि अभिषेक शर्मा यांनी पॉवर प्लेमध्ये 42 धावा केल्या.

डेव्हिड मिलरचा आयपीएलमधील खराब कामगिरी यंदाच्या हंगामात देखील सुरू राहिली आहे. आजच्या सामन्यात त्याला मार्को जेनसेनने 12 धावांवर बाद केले.

गुजरातच्या पॉवर प्लेमध्येच दोन विकेट पडल्यानंतर कर्णधार हार्दिक पांड्या आणि सलामीवीर मॅथ्यू वेड यांनी डाव सावरण्याचा प्रयत्न केला. मात्र उम्रान मलिकने वेडला 19 धावांवर बाद करत त्यांच्या मनसुब्यांवर पाणी फेरले.

सनराईजर्स हैदराबादचा अव्वल डावखुरा गोलंदाज टी नटराजनने गुजरात जायंटला दुसरा धक्का दिला. त्याने साई सुदर्शनला 11 धावांवर बाद केले.

गेल्या सामन्यात 96 धावांची दमदार खेळी करणाऱ्या शुभमन गिलला भुवनेश्वर कुमारने 7 धावांवर बाद केले.

सनराईजर्स हैदराबादने गुजरात टायटन्स विरूद्धच्या सामन्यात नाणेफेक जिंकून प्रथम गोलंदाजी करण्याच्या निर्णय घेतला.

मुंबई : गुजरात टायटन्सचा विजयी रथ अखेर हैदराबाद सनराईजर्सने रोखला. हैदराबादने गुजराचे 163 धावांचे आव्हान 2 गड्यांच्या मोबदल्यात पार करत हंगामातील आपला दुसरा विजय मिळवला. हैदराबादकडून कर्णधार केन विल्यमसनने 54 धावांची तर अभिषेक शर्माने 42 धावांची खेळी केली. त्यानंतर निकोलस पूरनने 18 चेंडूत 34 धावा चोपून सामना जिंकून दिला.