मुल्लानपूर (चंडीगड) : आयपीएलच्या यंदाच्या मोसमातील सर्वोत्तम दोन संघ आज ‘क्वालिफायर वन’ लढतीत एकमेकांसमोर उभे ठाकणार आहेत. पंजाब किंग्स-रॉयल चॅलेंजर्स बंगळूर यांच्यामध्ये मुल्लानपूर येथे ही लढत पार पडणार आहे. या लढतीतील विजेता संघ अंतिम फेरीत पोहोचेल. या लढतीतील पराभूत संघाला एलिमिनेटर लढतीतील (मुंबई इंडियन्स-गुजरात टायटन्स) विजेत्या संघाशी ‘क्वालिफायर टू’ लढतीत लढावे लागणार आहे.