IPL 2025 DC vs GT : दिल्लीचा आज ताकदवर गुजरातविरुद्ध सामना, घरच्या मैदानावर कस लागणार

Will Delhi Capitals qualify for IPL 2025 playoffs : आयपीएलच्या मध्यावर आश्वासक प्रगती करीत असलेल्या दिल्ली कॅपिटल्स संघाची गाडी रुळावरून घसरू लागली, त्यामुळे आयपीएलच्या बाद फेरीत स्थान मिळवण्यासाठी त्यांच्यासमोर अडचणी वाढल्या. आता उर्वरित स्पर्धा सुरू होत असताना आज त्यांचा सामना गुजरातविरुद्ध होणार आहे..११ सामन्यांतून सहा विजय मिळवणाऱ्या दिल्लीच्या खात्यात १३ गुण जमा आहेत. शिल्लक असलेले तिन्ही सामने जिंकले तर त्यांचा बाद फेरीतील प्रवेश निश्चित होईल; परंतु गेल्या पाच सामन्यांतून त्यांना केवळ एकच विजय मिळवता आलेला आहे. तीन पराभव आणि एक सामना पावसामुळे वाया गेलेला आहे..उर्वरित स्पर्धा पुन्हा सुरू असताना दिल्ली संघाकडून नवी उमेद बाळगली जात असली तरी काही परदेशी खेळाडू परतणार नसल्यामुळे संघ रचना करतानाही त्यांच्यासमोर अडचणी आहेत. हुकमी वेगवान गोलंदाज मिचेल स्टार्कने माघार घेतली आहे. १४ विकेट मिळवणारा तो त्यांचा प्रमुख गोलंदाज होता. दिल्ली संघाने घाईघाईने बांगलादेशचा वेगवान गोलंदाज मुस्तफिझूर रहमान याला आपल्या संघात घेतले; परंतु काल त्याला बांगलादेश क्रिकेट मंडळाने ना हरकत प्रमाणपत्र दिले. स्कार्कची काही प्रमाणात उणीव मुस्तफिझूर कमी करू शकेल..IPL 2025 स्थगितीनंतरच्या पहिल्याच सामन्यात पावसाचा अडथळा! RCB vs KKR मॅच रद्द झाल्यास कोणाचा तोटा?.अक्षर पटेलच्या नेतृत्वाखाली खेळणाऱ्या दिल्लीला घरच्या मैदानावर अपयशच जास्त पदरी पडलेले आहे. एकच विजय आणि तोही सुपर ओव्हरमध्ये त्यांना मिळवता आलेला आहे. दिल्ली आणि गुजरात यांच्यात १९ एप्रिल रोजी सामना झाला होता. त्यात गुजरातच्या जॉस बटरलने ५४ धावांत ९७ धावांची खेळी केल्यामुळे गुजरात संघाने दोनशेपेक्षा अधिक धावांचे आव्हान सात विकेट राखून पार केले होते..दिल्लीची मधली फळी अपयशी ठरत आहे. पावसाचा व्यत्यय आलेल्या सामन्यात हैदराबादने त्यांच्या नाकी दम आणला होता. तर धरमशाला येथे स्थगित करण्यात आलेल्या सामन्यात पंजाबच्या सलामीवीरांनी दिल्लीच्या गोलंदाजीची बेदम पिटाई केली होती. ब्रेकनंतर आयपीएल पुन्हा सुरू होत असल्याने दिल्लीचा संघ नव्या आत्मविश्वासाने कसा सामोरे जातो यावर त्यांचे भवितव्य अवलंबून असणार आहे. फाफ डुप्लेसी परत आल्यामुळे दिल्ली संघाला हायसे वाटले असणार. फाफ आणि अभिषेक पॉरेल आणि करुण नायर यांना पुन्हा एकदा दम दाखवावा लागणार आहे; मात्र अनुभवी केएल राहुलला फलंदाजीचा भार सांभाळावा लागणार आहे..MS Dhoni खेळणार आणखी एक IPL हंगाम? चेन्नईच्या गोटातून आली महत्त्वाची अपडेट.गुजरात बाद फेरी गाठणार?गुजरातने ११ सामन्यांतून १६ गुण मिळवले आणि स्पर्धा स्थगित होईपर्यंत पहिले स्थान मिळवले होते. आता एखादा विजय त्यांचा बाद फेरीतील प्रवेश निश्चित करेल. बटलर आणि कागिसो रबाडा भारतात परतले आहेत. आजच्या सामन्यासाठी ते उपलब्ध असतील; परंतु अखेरच्या साखळी सामन्यापासून ते उपलब्ध नसतील, त्यामुळे गुजरात संघाला प्रामुख्याने बाद फेरीसाठी पर्यायी खेळाडूंचा विचार आतापासूनच करावा लागेल. कर्णधार शुभमन गिल आणि साई सुदर्शन ही सलामीची जोडी फॉर्मात आहे. दोघांनीही प्रत्येकी ५०० पेक्षा अधिक धावा केलेल्या आहेत. सातत्य राखले तरी गुजरातला पुढचे सामने जिंकण्यात अडचण येणार नाही..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.