Video: भावानेच काढला भावाचा काटा; पांड्या बंधूत कृणाल पडला भारी

Video: भावानेच काढला भावाचा काटा; पांड्या बंधूत कृणाल पडला भारी

गुजरात टायटन्स आणि लखनौ सुपर जायंट या आयपीएलमधील दोन नव्या संघात आज पहिल्यांदाच लढत झाली. या दोन्ही संघाचा हा आयपीएलमधील पहिलाचा सामना होता. तसेच गुजरातचे दोन बंधू हार्दिक पांड्या आणि कृणाल पांड्या हे दोघेही एकमेकांसमोर उभे ठाकले होते. त्यामुळे या दोघांच्या एकमेकांविरूद्धच्या कामगिरीवरही सर्वांचे लक्ष होते.

दरम्यान, लखनौने गुजरातसमोर 158 धावांचे आव्हान ठेवल्यानंतर गुजरातची हे आव्हान पार करताना खराब सुरूवात झाली. मात्र चौथ्या क्रमांकावर फलंदाजीला आलेल्या हार्दिक पांड्या आणि मॅथ्यू वेडने गुजरातचा डाव सावरण्याचा प्रयत्न केला.

या दोघांनी तिसऱ्या विकेटसाठी 57 धावांची भागीदारी रचली. ही जोडी जमली असे वाटत असतानाच कृणाल पांड्याने आपल्या भावाचाच काटा काढला. त्याने हार्दिकला 33 धावांवर बाद करत गुजरातला मोठा धक्का दिला. त्यानंतर मॅथ्यू वेड देखील पुढच्याच षटकात बाद झाल्याने गुजरातचा संघ अडचणीत आला.

दरम्यान, डेव्हिड मिलर आणि 21 चेंडूत 30 धावांची खेळी केली. त्याने तेवतियाबरोबर भागीदारी रचत सामन्यात रंगत निर्माण केली. त्यानंतर तेवतियाने 40 धावांची झुंजार खेळी करत गुजरातला अखेरच्या षटकात विजय मिळून दिला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com