IPL 2024 Tickets Controversy : SRH vs CSK सामन्याचं तिकीट काढलं 4500 रूपयांच, सीट मात्र गायब... हा काय घोटाळा आहे?
IPL 2024 Tickets Controversy : सनराईजर्स हैदराबाद आणि चेन्नई सुपर किंग्ज यांच्यातील सामन्यात एक मोठा घोटाळा झालाय. एका व्यक्तीनं सोशल मीडियावर पोस्ट केली की त्याने या सामन्याचे तब्बल 4500 रूपयांचे तिकीट काढले होते.
मात्र त्याची सीटच गायब होती. त्याची ही पोस्ट चांगलीच व्हायरल झाली. जुनैद अहमद असं या व्यक्तीचं नाव आहे. तो ज्यावेळी सामना पाहण्यासाठी स्टेडियममध्ये गेला त्यावेळी त्याच्या तिकीटावरच्या नंबरची सीट स्टेडियममध्ये अस्तित्वातच नसल्याचं दिसलं.
जुनैदने ट्विट केलं की, 'खूप निराशा झाली. मी चेन्नई-हैदराबाद सामन्याचं तिकीट काढलं होतं. त्या तिकीटावर J66 असा सीट नंबर होता. या क्रमांकाची सीटच मैदानात उपलब्ध नाही. मला सामना उभा राहून पाहावा लागला. आता मला माझे पैसे परत मिळणार का किंवा नुकसान भरपाई मिळणार का?'
जुनैदने या पोस्टसोबत एक व्हिडिओ देखील शेअर केला आहे. यात J66 क्रमांकाची कोणती सीट उपलब्धच नव्हती. त्याला आशा होती की J65 नंतर J66 क्रमांकाची सीट असेल. मात्र त्यानंतर थेट J77 क्रमांकाची सीट होती.
त्यानंतर जुनैदने अजून एक ट्विट केलं. त्यात त्याने माझी हरवलेली सीट इनिंग ब्रेकमध्ये मिळाली. ही सीट J69 - 70 च्या मधे सापडली. कोणीतरी हा गोंधळ घातला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.