RCB vs LSG: रन मशीन विराट कोहली IS BACK! तीन सामन्यातील ठोकले दुसरे अर्धशतक

Virat Kohali : रन मशीन, रेकॉर्ड मशीन, निडर फलंदाज विराट कोहली पुन्हा आपल्या जुन्या लयीत परतला आहे. विराटने मैदानाच्या प्रत्येक बाजूला फटके मारत आयपीएलच्या १६व्या हंगामातील दुसरे अर्धशतक ठोकले आहे.

विराटने मुंबईविरुद्ध ३८ चेंडूत पहिले अर्धशतक झळकावले. तर आज त्याने लखनऊ विरूद्ध ३५ चेंडूंत अर्धशतक ठोकले. दोन्ही डावांमध्ये एक गोष्ट समान आहे ती म्हणजे बेंगळुरूमधील एम. चिन्नास्वामी स्टेडियम.

मोसमातील पहिल्या सामन्यात पाच वेळा चॅम्पियन मुंबई इंडियन्स विरुद्ध विराट कोहलीने ४९ चेंडूत ८२ धावांची शानदार खेळी खेळली, ज्यात सहा चौकार, पाच षटकार मारले. १६७.३४ च्या स्ट्राइक रेटने त्याने फलंदाजी केली.

तसेच लखनऊ सुपरजायंट्सविरुद्ध ४४ चेंडूत ६१ धावा केल्या. चार चौकार आणि चार षटकारांच्या या खेळीने सर्वांना मंत्रमुग्ध केले. पण मोठा फटका मारताना झेलबाद झाला. अनुभवी फिरकीपटू अमित मिश्राने त्याला बाद केले.