IPL 2025 RCB vs RR : बंगळूर वि. राजस्थान कोण होणार ‘रॉयल’; विराट आणि साल्ट यांचा सामना तेजतर्रार आर्चरविरुद्ध

जयपूर : अगोदरच्या सामन्यात पराभवाचा धक्का सहन करावा लागलेले रॉयल चॅलेंजर्स बंगळूर आणि राजस्थान रॉयल्स यांच्यात उद्या दुपारी आयपीएलचा सामना होत आहे..दोन दिवसांपूर्वी बंगळूर संघाला दिल्लीविरुद्ध विजयाची संधी असलेल्या सामन्यात पराभव स्वीकारावा लागला होता, तर राजस्थानचा गुजरातविरुद्ध ५८ धावांनी एकतर्फी पराभव झाला आहे. पुन्हा विजयी मार्गावर येण्यासाठी दोघांना एकमेकांविरुद्ध शर्थीचे प्रयत्न करावे लागणार आहेत..पाचपैकी तीन सामने जिंकणारा बंगळूरचा संघ पहिल्या पाच संघांत स्थान टिकवून आहे तर पाचपैकी केवळ दोनच सामने जिंकणारा राजस्थान सातव्या क्रमांकावर आहे. बंगळूरची ताकद सलामीला खेळणाऱ्या विराट कोहली आणि फिल साल्ट यांच्यात आहे. दोघेही बेधडक फलंदाजी करीत आहेत; पण उद्या त्यांचा सामना तेजतर्रार जोफ्रा आर्चरशी होणार आहे. या आयपीएलच्या आपल्या पहिल्या सामन्यात आयपीएलच्या इतिहासातील सर्वात महागडा स्पेल टाकणाऱ्या आर्चरने मात्र त्यानंतर कमालीची प्रगती केली. ताशी सरासरी १४४ कि.मी. वेगाने तो मारा करीत आहे..आर्चरचा भन्नाट वेगआर्चरने पंजाब संघाचा कर्णधार श्रेयस अय्यरचा १४८.६ कि.मी. वेगाने चेंडू टाकून यष्ट्या उखडल्या होत्या. तर गुजरातविरुद्धच्या सामन्यात १५२.३ कि.मी. असा वेगवान चेंडू टाकल्यानंतर १४७.७ कि.मी. वेगाच्या चेंडूने गुजरातचा कर्णधार शुभमन गिलची उजवी यष्टी उखडली होती..आर्चरच्या वेगासमोर जोरदार फलंदाजी करण्याची क्षमता विराट आणि साल्टमध्ये असली तरी एखादा चुकीचा फटका महागात पडू शकतो. शिवाय, साल्ट आणि आर्चर हे इंग्लंड संघातील साथीदार आहेत. यंदाच्या या स्पर्धेत कोहलीने आतापर्यंत १८६ तर साल्टने १४३ धावा केलेल्या आहेत. हे दोघेही बंगळूरचे हुकमी अस्त्र आहेत..दिल्लीविरुद्धच्या सामन्यात कोहली आणि साल्ट यांच्या धडाकेबाज सुरुवातीनंतर बंगळूरची मधली फळी कोसळली होती, त्यामुळे त्यांना १६३ धावांपर्यंत मर्यादित राहावे लागले होते. उद्याच्या सामन्यात ही चूक त्यांना सुधारावी लागणार आहे; पण टीम डेव्हिडच्या रूपाने त्यांच्याकडे अखेरच्या षटकांत हाणामारी करणारा फलंदाज आहे..Michael Clarke : चेन्नई संघाचा आत्मविश्वास कमजोर : मायकेल क्लार्क.राजस्थानच्या संघाला विजय मिळवायचा असेल तर त्यांना फलंदाजीस सुधारणा करावी लागणार आहे. गुजरातविरुद्ध पराभव झाला त्या सामन्यात त्यांचा डाव १५९ धावांत संपुष्टात आला होता. यशस्वी जयस्वाल, कर्णधार संजू सॅमसन, रियान पराग, नितीश राणा यांना धावांची अपेक्षा पूर्ण करावी लागणार आहे, तर ध्रुव जुरेल आणि शिमरॉन हेटमायर यांनाही वेगात धावा कराव्या लागतील..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IPL 2025 RCB vs RR : बंगळूर वि. राजस्थान कोण होणार ‘रॉयल’; विराट आणि साल्ट यांचा सामना तेजतर्रार आर्चरविरुद्ध

Related Stories