उमरान नावाचं वादळ येतंय; काँग्रेस नेता झाला क्रिकेटरचा फॅन

Umran Malik IPL 2022 : जम्मू आणि काश्मीरचा वेगवान गोलंदाज उमरान मलिक सध्या आयपीएलच्या (IPL 2022) हंगामात गोलंदाजीने कहर करत आहे. सनरायझर्स हैदराबाद (SRH) संघाच्या गोलंदाजाने बुधवारी गुजरात टायटन्स (GT) विरुद्ध जोरदार गोलंदाजी करताना 5 विकेट घेतले आहे. उमरानने चालू हंगामात आतापर्यंत 150 पेक्षा जास्त वेगाने गोलंदाजी केले आहे. त्याचे चाहते केवळ क्रिकेट मध्ये राहिले नाही, तर राजकारणीही झाले आहेत. काँग्रेस नेते शशी थरूर (Shashi Tharoor) यांच्यानंतर आता पी चिदंबरम (P. Chidambaram) उमराणचे चाहते झाले आहे. पी चिदंबरम याने त्याची कौतुक केले आहे.

उमरान मलिक हे एक असं वादळ आहे, जे आपल्या मार्गात येणारे प्रत्येकाला उडवून लावत आहे. त्याचा जबरदस्त वेग, आक्रमकता पाहण्यासारखीच आहे. आजची कामगिरी पाहिल्यानंतर आयपीएलच्या या हंगामातील उमरान मलिक हा सर्वात मोठा शोध ठरणार आहे यात शंका नाही. बीसीसीआयने त्याला विशेष प्रशिक्षक देऊन ताबडतोब टीम इंडियात आणावे. असे पी. चिदंबरम यांनी ट्विटमध्ये लिहिले आहे.

याआधी शशी थरूर यांनीही उमरानचे ट्विट करून त्याचे कौतुक केले होते. त्याला टीम इंडियात आणण्याचे सुचवले होते. उमरानने गुजरातविरुद्धच्या सामन्यात 5 महत्त्वाच्या विकेट घेतल्या आहे. त्याने ऋद्धिमान साहा, शुभमन गिल, हार्दिक पांड्या, डेव्हिड मिलर आणि अभिनव मनोहर यांना आउट केलं होते. उमरानने सामन्यात 4 षटके टाकत 25 धावांत 5 विकेट घेतल्या.

सामन्यात गुजरात संघाचा कर्णधार हार्दिक पांड्याने नाणेफेक जिंकून गोलंदाजी करण्याचा निर्णय घेतला. यानंतर सनरायझर्स हैदराबाद संघाने 6 गडी गमावून 195 धावा केल्या. अभिषेक शर्माने 65 आणि एडन मार्करामने 56 धावा केल्या. प्रत्युत्तरात गुजरात संघाने 5 गडी बाद 199 धावा केल्या आणि सामना जिंकला. संघाकडून वृद्धीमान साहाने 38 चेंडूत 68 धावा केल्या. राहुल तेवतिया 21 चेंडूत 40 आणि राशिद खान 11 चेंडूत 31 धावा करून नाबाद राहिला.