Virat Kohli IPL 2023 : मैदानावरच बेडक्या फुगवतो कारण अंपायर.... मारामारी करण्याबाबत विराट कोहली हे काय म्हणाला?

Virat Kohli IPL 2023 : विराट कोहलीला सामन्यादरम्यान पाहताना असे वाटते की तो कोणत्याही क्षणी एखाद्या खेळाडूबरोबर मारामारी करू शकतो. सध्याच्या क्रिकेट जगतातील तो अँग्री यंग मॅन आहे. विराटला चार्चअप होण्यासाठी छोटसं कारण देखील पुरेसं असतं. मात्र हा मैदानावरील विराट कोहली प्रत्यक्षात मात्र खूपच वेगळा आहे. नकतेच विराट कोहलीने एका मुलाखतीदरम्यान, त्याने लहानपणी कोणासोबत मारामारी केली आहे का या प्रश्नाचे उत्तर दिले. या प्रश्नाचे उत्तर ऐकून सर्वांनाच आश्चर्य वाटले.

विराट कोहलीने मुलाखतीदरम्यान सांगितले की तो लहान असताना कोणाशीही मारामारी करायला जायचा नाही. विराट म्हणाला की, 'कोणासोबत मारामारीचा प्रश्नच उद्भवत नाही, कोणीही मला मारून निघून जाईल. मी तर मरून जाईन त्याला समजणार देखील नाही की माझ्यासोबत काय झाले आहे. त्यामुळे मी मारामारी करण्याच्या भानगडीत पडत नाही.'

विराटला आता ज्या पद्धतीने तो मैदानावर आक्रमक अवतारात वावरतो मात्र प्रत्यक्ष मारामारी करण्याची वेळ आली तर तो नक्कीच माघार घेतो.

विराट म्हणाला की, 'माझ्याकडून काहीही बोलवून घ्या मात्र मी मारामारी करत नाही.' विराट पुढे म्हणाला की, 'मी जो काही आक्रमकपणा दाखवतो तो मैदानावर दाखवतो. मला माहिती असतं की तेथे मारामारी होऊ शकत नाही. कराण तेथे अंपायर मधे येणार.'

(Sports Latest News)