फिल्डिंग करताना डोक्याला गंभीर जखम, मैदानातच कोसळला इंग्लंडचा खेळाडू

इंग्लंड आणि न्यूझीलंड यांच्यात ३ सामन्यांची टेस्ट सीरीज खेळवण्यात येत आहे. दरम्यान, टेस्ट सीरीजचा पहिला सामना लॉर्ड्सच्या ऐतिहासिक मैदानावर खेळवण्यात येत आहे. मात्र, पहिल्याच सामन्यात इंग्लंडला मोठा धक्का बसला आहे. इंल्गंडचा लेफ्ट आर्म स्पिन गोलंदाज जॅक लीच गंभीर जखमी झाला आहे.

जॅक लीच गंभीर जखमी

फिल्डींग दौऱ्यादरम्यान जॅक लीच गंभीर जखमी झाला आहे. खेळाडू थेट जमिनीवर कोसळला. जॅक लीच यानंतर टेस्ट मॅचमधून बाहेर पडला. त्याच्या जागी स्पिनर मॅथ्यू पार्किंसनला संधी देण्यात आली.

फिल्डींग दौऱ्यादरम्यान डोक्याला जखम

पहिल्या दिवशीच्या पाचव्या षटकात ही गोष्ट घडल्याचे पाहायला मिळाले. पाचव्या षटकाच्या दुसऱ्या चेंडूवर न्यूझीलंडचा फलंदाज डेव्हॉन कॉनवेने दमदार फटका लगावला. हा चेंडू चौकार जाईल, असे वाटत होते. पण त्याचवेळी इंग्लंडचा जॅक लीच हा या चेंडूचा पाठलाग करत होता. पाठलाग करत असताना जॅक हा चेंडू पकडेल, असे वाटत होते. जॅकने यावेळी चेंडू रोखण्याचा प्रयत्न केला. पण त्याचवेळी जॅकच्या डोक्याला जबर दुखापत झाली. तो थेट मैदानातच कोसळला.

त्याची दुखापत पाहून इंग्लंडबरोबरच न्यूझीलंडच्या डॉक्टरांनीही मैदानात धाव घेतली आणि जॅकची तपासणी केली. त्यानंतर त्याला उपचारासाठी बाहेर नेण्यात आलं.

जॅक सामन्यातून आऊट

या दुखापतीमुळे आता जॅक या सामन्यातून आऊट झाला आहे, दुखापतीमुळे त्याला आता हा सामना खेळता येणार नाही. जॅकच्या जागी आता इंग्लंडच्या संघात मॅथ्यू पार्किसनची निवड करण्यात आली आहे, त्याचा हा पहिलाच सामना आहे.