बर्मिंगहॅम : ऍशेस मालिकेतील दुसऱ्या कसोटी क्रिकेट सामन्यास इंग्लंडचा वेगवान गोलंदाज जेम्स अँडरसन मुकणार आहे. उजव्या पायाची पोटरी दुखावल्यामुळे तो पहिल्या कसोटीतही गोलंदाजी करू शकला नव्हता.

अँडरसन आता इंग्लंड आणि लॅंकेशायर संघाच्या वैद्यकीय अधिकाऱ्यांसह पुनर्वसन कार्यक्रमात सहभागी होईल. दुसरी कसोटी 14 ऑगस्टपासून लॉर्डसवर सुरू होणार आहे. त्यानंतरही एकूण तंदुरुस्तीवर त्याचा सहभाग अवलंबून राहणार आहे.