पुणे : पीबीजी कोल्हापूर टस्कर्स व चार एस पुणेरी बाप्पा यांच्यातील सामना पावसामुळे रद्द करण्यात आला. त्यामुळे दोन्ही संघांना प्रत्येकी एक गुण देण्यात आला. महाराष्ट्र क्रिकेट संघटनेच्या मान्यतेने अदाणी महाराष्ट्र प्रीमियर लीगचे आयोजन करण्यात आले आहे..गहुंजे येथील महाराष्ट्र क्रिकेट संघटनेच्या मैदानावर सुरू असलेल्या या स्पर्धेत पीबीजी कोल्हापूर टस्कर्स संघाने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना चार एस पुणेरी बाप्पा संघाने १६ षटकांत तीन बाद १२९ धावा केल्या. पॉवरप्लेमध्ये पुणेरी बाप्पा संघाने बिनबाद ४० धावा केल्या. यश नाहर १३ धावा काढून तंबूत परतला..कोल्हापूरच्या दीपक डांगीने यश नाहरला झेलबाद केले. त्यानंतर मुर्तुझा ट्रंकवालाने ५५ चेंडूंत नाबाद ७३ धावांची आक्रमक खेळी केली. त्याने चार चौकार व पाच षटकार मारले. मुर्तुझा व ऋषिकेश सोनावणे (२८ धावा) यांनी तिसऱ्या विकेटसाठी ३३ चेंडूंत ५० धावांची अर्धशतकी भागीदारी करून संघाची धावगती वाढवली. त्यानंतर मुर्तुझा ट्रंकवाला व सूरज शिंदे (नाबाद तीन) यांनी चौथ्या विकेटसाठी ११ चेंडूंत २२ धावांची भागीदारी केली. पुणेरी बाप्पा संघ १६ षटकांत तीन बाद १२९ धावा अशा स्थितीत असताना पाऊस सुरू झाला. पावसाच्या व्यत्ययानंतर खेळ पुन्हा सुरू होऊ शकला नाही..संक्षिप्त धावफलक :चार एस पुणेरी बाप्पा : १६ षटकांत तीन बाद १२९ धावा (मुर्तुझा ट्रंकवाला नाबाद ७३, ऋषिकेश सोनावणे २८, दीपक डांगी २-२८, आत्मन पोरे १-२६) वि. चार एस पुणेरी बाप्पा. (लढत रद्द)..Chh. Sambhaji Nagar News : वादळी वाऱ्यात सिद्धार्थ उद्यानातील डोमची भिंत कोसळली; दोन महिलांचा मृत्यू.नाशिक - रायगडमध्ये लढतईगल नाशिक टायटन्सचा संघ यंदाच्या मोसमात चमकदार खेळ करीत आहे. याच पार्श्वभूमीवर उद्या त्यांना रायगड रॉयल्सचा सामना करावयाचा आहे. नाशिकच्या संघाने आतापर्यंत या प्रतिष्ठेच्या स्पर्धेत परिपूर्ण खेळ करत चारही सामने जिंकले असून, आठ गुणांसह ते गुणतालिकेत अव्वल स्थानावर आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
