दिग्गज फूटबॉलपटू दिएगो मॅराडोना यांचे निधन

ब्युनॉस आयर्स - अर्जेंटिनाचा दिग्गज फूटबॉलपटू दिएगो मेराडोना यांचे वयाच्या 60 वर्षी कार्डिएक अटॅकने निधन झाले. डेली मेलने दिलेल्या वृत्तानुसार मॅराडोना यांना दोन आठवड्यांपूर्वी हृदयविकाराचा झटका आला होता. त्याआधी त्यांच्यावर सर्जरी करून मेंदूतील गाठ काढली होती.

मॅराडोना यांच्यावत तीन नोव्हेंबरला मेंदुची शस्त्रक्रिया करण्यात आली होती. शस्त्रक्रिया यशस्वी झाली होती आणि त्यातून प्रकृती सुधारत असल्याची माहिती डॉक्टरांनी सांगितले होते. मात्र पूर्ण बरे होण्यास वेळ लागेल असंही म्हटलं होतं. 

1986 च्या वर्ल्ड कप चॅम्पियन संघातील खेळाडू मॅराडोना हे जगप्रसिद्ध फूटबॉलपटू होते. जगातील दिग्गज फूटबॉलपटूंमध्ये त्यांचे नाव वरच्या क्रमांकावर आहे. मॅराडोना बोका ज्यूनिअर्स, नेपोली आणि बार्सिलोना याशिवाय इतर क्लबकडूनही खेळले होते. इंग्लंडविरुद्ध 1986 च्या स्पर्धेतील हँड ऑफ गॉडसाठी मॅराडोनाची खास ओळख होती.