IPL 2020 Mumbai Indians vs Delhi Capitals Final : रोहित शर्माची अर्धशतकी खेळी आणि इशान किशनने त्याला दिलेली सुरेख साथ याच्या जोरावर मुंबई इंडियन्सने दिल्ली कॅपिटल्सने दिलेले 157 धावांचे लक्ष्य सहज पार करत पाचव्यांदा चॅम्पियनचा बहुमान मिळवला. प्रथम फलंदाजी करताना दिल्ली कॅपिटल्सने निर्धारित 20 षटकात 7 बाद 156 धावा केल्या होत्या. हे आव्हान मुंबईने सहज परतावून लावले. कर्णधार रोहित शर्माने 68 धावांची खेळी केली. इशान किशनने 19 चेंडूत नाबाद 32 धावांची खेळी करत संघाच्या विजयावर शिक्कामोर्तब केले.
कर्णधार श्रेयस अय्यर आणि ऋषभ पंत यांच्या अर्धशतकाच्या जोरावर ट्रेंट बोल्टने सुरुवातीला दिलेल्या धक्क्यातून सावरत दिल्ली कॅपिटल्सने दिडशेचा टप्पा पार केला. कर्णधार श्रेयस अय्यरने शेवटपर्यंत मैदानात थांबत संघाला निर्धारित 20 षटकांत 7 बाद 155 धावांपर्यंत पोहचवले.
सामन्याचे अपडेट्स
118-4 : संघाचा डाव सावरणारा पंत अर्धशतकी करुन परतला, कुल्टर नीलला मिळाले यश, पंतने 38 चेंडूत 56 धावा केल्या
22-3 : शिखर धवन 15 धावांवर बाद, जयंत यादवने घेतली विकेट
16-2 : अजिंक्य रहाणेचा पुन्हा फ्लॉप शो; अवघ्या 2 धावा करुन फिरला माघारी बोल्टनं घेतली विकेट
0-1 : अष्टपैलू आणि सलामीवीर स्टॉयनिसला बोल्टनं पहिल्या चेंडूवर धाडले तंबूत
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.