Paris Olympics : पुरुष तिरंदाज संघाचीही;ऑलिंपिक पात्रता हुकली

अंतल्या (तुर्कस्थान) : पॅरिस ऑलिंपिक स्पर्धेस पात्र ठरण्यासाठी असलेल्या अखेरच्या पात्रता फेरीत भारतीय तिरंदाजी पुरुष संघ महिलांप्रमाणे ऑलिंपिक कोटा मिळवू शकला नाही, त्यामुळे आता पॅरिस ऑलिंपिकमध्ये स्थान मिळण्याकरिता रँकिंगवर अवलंबून राहावे लागणार आहे.

भारतीय महिला संघाला काल युक्रेनविरुद्ध उपउपांत्यपूर्व फेरीत धक्कादायक पराभव झाला. त्यानंतर आज जागतिक क्रमवारीत दुसऱ्या क्रमांकावर असलेला पुरुषांचा संघ मेक्सिकोविरुद्ध शूटऑफमध्ये पराभूत झाला. या स्पर्धेत भारतीय पुरुष संघाला अव्वल मानांकन होते; परंतु आजच्या लढतीत त्यांची ४-५ (५७-५६, ५७-६३, ५५-५६, ५५-५८ (२६-२६*) अशी हार झाली.

पहिल्या दोन सेटमध्ये भारतीयांनी विजय मिळवत ४-० अशी आघाडी घेतली होती. तिसऱ्या सेटमध्ये बरोबरी त्यांना उपांत्य फेरीत स्थान मिळवून देणास पुरेशी ठरली असती; परंतु मोक्याच्या क्षणी गुण गमावले. मेक्सिकोने बरोबरी साधली आणि त्यानंतर शूटऑफमध्ये विजय मिळवला.