दीपक हुडाच्या षटकाराने पोलीस कर्मचारी घायाळ, VIDEO

आयपीएल १५ व्या सीझनमध्ये नव्याने पदर्पण केलेला लखनऊचा संघाला एलिमिनेटर सामन्यात आरसीबीकडून १४ धावांनी पराभव स्विकारावा लागला. लखनऊच्या या परभवासह क्रिकेट जगतात दीपक हुडाच्या षटकाराचीही चर्चा रंगली आहे. त्याच्या षटकाराने स्टँडमध्ये उभा असणारा एक पोलिसकर्मचारी जायबंदी झाला आहे.

सामन्यादरम्यान लखनऊ सुपर जायंट्सचा फलंदाज दीपक हुड्डा ने षटकार ठोकला. त्याचा चेंडू थेट प्रेक्षक स्टँडमध्ये पोहचला आणि तेथे उभा असलेल्या पोलिस कर्मचाऱ्याच्या हातावर आदळला. चेंडू लागताच पोलिस कळवळताना दिसला. त्याचा व्हिडीओ सध्या सोशल मीडियावर व्हायरल होताना दिसत आहे.

लखनऊ डावाच्या आठव्या षटकातील पाचव्या चेंडूवर फलंदाच दीपक हुड्डाने षटकार ठोकला. त्याने आरसीबीच्या लेफ्ट आर्म स्पिनर शाहबाज अहमदच्या चेंडूवर षटकार ठोकला. तो चेंडू हवेतून थेट मॅच पाहण्यासाठी आलेल्या पोलिस कर्मचाऱ्याच्या हातावर आदळला. जोरात चेंडू आदळल्याने पोलिस कर्मचारी कळवळताना दिसला.

शेवटच्या षटकापर्यंत रंगलेल्या सामन्यात अखेर रॉयल चॅलेंजर बेंगलोरने लखनौ सुपर जायंटचा 14 धावांनी पराभव करत आयपीएलमधून त्यांचा गाशा गुंडाळला.