Prithvi Shaw : पृथ्वी भावाने केली पुन्हा एकदा हवा! 61 चेंडूत ठोकल्या 134 धावा!

Prithvi Shaw Syed Mushtaq Ali Trophy 2022 : मुंबईचा भिडू पृथ्वी शॉने पुन्हा एकदा आपल्या बॅटने सतत डावलणाऱ्या निवडसमितीला चोथ प्रत्युत्तर दिले. पृथ्वी शॉने सईद मुश्ताक अली टी 20 ट्रॉफीत आसामविरूद्धच्या सामन्यात 46 चेंडूत शतक ठोकत सर्वांचे लक्ष पुन्हा आपल्याकडे वेधले. त्याने आपली ही शतकी खेळी 61 चेंडूत 134 धावा ठोकून संपवली.

मुंबईचा सलामीवीर पृथ्वी शॉने पुन्हा एकदा धमाका केला. त्याने सईद मुश्ताक अली ट्रॉफीत आसामविरूद्ध 61 चेंडूत 134 धावांची तुफानी खेळी केली. त्याच्या या शतकी खेळीच्या जोरावर मुंबईने आसामसमोर 20 षटकात 3 बाद 230 धावांचा डोंगर उभारला. पृथ्वी शॉने आपली ही शतकी खेळी 13 चौकार आणि 9 षटकारांनी सजवली.

पृथ्वी शॉ बरोबरच मुंबईकडून यशस्वी जैसवालने देखील दमदार खेळी केली. त्याने 30 चेंडूत 42 धावा केल्या. तर शिवम दुबेने एक षटकात आणि दोन चौकार मारत 7 चेंडूत नाबाद 17 धावांची आक्रमक खेळी केली. सर्फराज खानने 15 चेंडूत 15 तर अमन हकिम खानने 7 चेंडूत 15 धावा केल्या. आसामकडून रियान पराग, रोशन आलम राज्जाकुद्दीन अहमद यांनी प्रत्येकी 1 विकेट घेतल्या.