Pro kabaddi: जयपूर पिंक पँथर्स संघाने प्रो कबड्डी स्पर्धेतील रविवारी झालेल्या लढतीत तमिळ थलैवाज संघाला ३४-२७ असे पराभूत केले. मध्यंतराला जयपूर संघ सात गुणांनी आघाडीवर होता. पुणे येथील श्री शिवछत्रपती क्रीडा संकुल म्हाळुंगे बालेवाडी येथील बॅडमिंटन हॉलमध्ये ही स्पर्धा सुरु आहे.
जयपूर - तमिळ यांच्यामधील लढतीच्या सुरुवातीपासूनच दोन्ही संघांनी आघाडी घेण्याच्या दृष्टीने सातत्याने प्रयत्न केले. दहाव्या मिनिटाला जयपूर संघाने ८-६ अशी दोन गुणांची आघाडी घेतली होती.
