Japan Open 2025 : पी. व्ही. सिंधू पहिल्याच फेरीत गारद; जपान ओपन : सात्विक-चिराग जोडीचा विजय

टोकियो : भारताची अनुभवी महिला खेळाडू पी. व्ही. सिंधू हिचा सुमार फॉर्म जपान ओपन बॅडमिंटन स्पर्धेत कायम राहिला. कोरियाच्या सिम यू जिन हिच्याकडून तिला पहिल्याच फेरीमध्ये पराभवाचा सामना करावा लागला..यामुळे तिचे आव्हान संपुष्टात आले. यंदाच्या मोसमात ती पाचव्यांदा पहिल्या फेरीत पराभूत झाली. लक्ष्य सेन याने पुरुषांच्या एकेरीत, तर सात्विक साईराज रंकीरेड्डी-चिराग शेट्टी यांनी पुरुषांच्या दुहेरीत विजय मिळवताना उल्लेखनीय खेळ केला..पी. व्ही. सिंधू आणि सिम यू जिन यांच्यामध्ये महिला एकेरीची लढत रंगली. सिंधू हिने पहिल्या गेममध्ये संथ सुरुवात केली. या गेममध्ये तिच्याकडून चुका होत होत्या. अखेर सिम हिने २१-१५ असा हा गेम आपल्या नावावर केला. दुसऱ्या गेममध्ये सिंधूला सुरुवातीला १-६ अशा पिछाडीवर राहावे लागले. ब्रेकपर्यंत दोन्ही खेळाडूंमध्ये ११-११ अशी बरोबरी झाली; पण सिम हिने धडाकेबाज खेळ करताना २१-१४ असा हा गेम जिंकत सामन्यावर वर्चस्व गाजवले..४२ मिनिटांमध्ये विजयीपुरुषांच्या दुहेरीत सात्विक साईराज रंकीरेड्डी-चिराग शेट्टी या जोडीने कँग मिन ह्यूक-किम डोंग जू या कोरियन जोडीवर २१-१८, २१-१० अशी सरळ दोन गेममध्ये मात केली. भारतीय जोडीने अवघ्या ४२ मिनिटांमध्ये विजयाला गवसणी घातली. हरीहरन अम्साकरुणन-रुबनकुमार आणि कविप्रिया सेल्वम-सिमरन सिंघी या भारतीय जोड्यांना दुहेरीत हार पत्करावी लागली..Andre Russell Retirement: वेस्ट इंडिजचा 'ऑलराउंडर' आंद्रे रसेलने केली आंतरराष्ट्रीय क्रिकेटमधून निवृत्ती जाहीर!.लक्ष्यचा झंझावातभारताच्या लक्ष्य सेन याने सलामीच्या लढतीत चीनच्या वँग झेंग शिंग याच्यावर सरळ दोन गेममध्ये विजय साकारला. लक्ष्य याने २१-११, २१-१८ असा विजय संपादन करताना पुरुषांच्या एकेरीच आगेकूच केली. आता पुढील फेरीमध्ये लक्ष्यसमोर कोडाय नाराओका याचे आव्हान असणार आहे. अनुपमा उपाध्याय हिला महिला एकेरीत घोडदौड करता आली. उन्नती हूडा हिला मात्र पराभवाला सामोरे जावे लागले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.