Rafael Nadal : टेनिस कोर्टवरील शांतता झाली भंग... अखेर 'बादशाह' 349 दिवसांनी परतला!

Rafael Nadal : अखेर राफेल नदाल टेनिस कोर्टवर परतला! 22 ग्रँडस्लॅम जिंकणारा चॅम्पियन राफा जवळपास वर्षभरानंतर टेनिस कोर्टवर परतला असून ब्रिसबेनच्या टेनिस चाहत्यांनी त्याचं पुनरागमन जल्लोषात साजरं केलं. ज्यावेळी राफेल नदाल आपल्या शेवटच्या ग्रँडस्लॅम खेळत आहे. गेल्या ऑस्ट्रेलियन ओपन स्पर्धेत दुखापतीमुळे तो राऊंड ऑफ 64 मध्येच बाहेर पडला होता. त्यानंतर त्याचे रँकिंग 672 स्थानापर्यंत घसरले.

दरम्यान, राफेल नदाल दुखापतीतून सावरत पुन्हा एकदा ब्रिसबेनच्या टेनिस कोर्टवर अवतरला. त्यावेळी चाहत्यांनी त्याचे टाळ्यांच्या गजरात आणि स्टँडिग ओवेशन देत स्वागत केलं. नदालने देखील चाहत्यांच्या प्रेमाने भारावून गेला. त्याने हात उंचावत चाहत्यांच्या प्रेमाला दाद दिली.

राफेल नदाल त्याच्या कारकिर्दीतील शेवटचे वर्ष आहे. तो आपली शेवटची 4 ग्रँडस्लॅम स्पर्धांची मोहीम ऑस्ट्रेलियन ओपनपासून सुरू करत आहे.

राफेल नदालचा सामना हा धडाकेबाज डॉमिनिक थिइम सोबत होता. या सामन्यात राफेलने डॉमिनिकचा 7 - 5, 6 - 1 असा पराभव केला. नदाल आणि डॉमिनिक द्वंद्वात नदाल 10 - 6 ने आघाडीवर आहे. मात्र हार्ड कोर्टचा विचार केला तर डॉमिनिक नदालवर भारी पडताना दिसत होता. त्याने 2 - 1 अशी आघाडी घेतली होती. यात ऑस्ट्रेलियन ओपन 2020 मधील चार सेट चाललेल्या सामन्याचा देखील समावेश आहे. आता ही आघाडी 2 - 2 अशी बरोबरीत राहिली आहे.

(Sports Latest News)