IND vs SL : राहुल द्रविड टीम इंडियाचा कोच

Rahul Dravid
Rahul Dravid

श्रीलंका दौऱ्यावर जाणाऱ्या भारतीय संघाच्या प्रशिक्षकपदी माजी कर्णधार राहुल द्रविडची (Rahul dravid) नेमणूक झाल्याचं वृत्त आहे. एएनआयनं बीसीसीआयमधील (BCCI) सुत्रांच्या हवाल्यानं हे वृत्त दिलं आहे. भारत आणि श्रीलंका यांच्यादरम्यान जुलैमध्ये मालिका होणार आहे. यासाठी अद्याप भारतीय संघाची निवड झालेली नाही. मात्र, सात वर्षानंतर राहुल द्रविड टीम इंडियासोबत जोडला गेला आहे. माजी कर्णधार राहुल द्रविड भारताच्या अंडर-19 सघाचा प्रशिक्षक आणि राष्ट्रीय क्रिकेट अकादमी (NCA) चा प्रमुख आहे. याआदी 2014 मध्ये राहुल द्रविड इंग्लंड दौऱ्यासाठी भारतीय संघाचा फंलदाजी सल्लागार होता. (Rahul Dravid to coach Indian team on Lanka tour )

भारतीय संघ (Team India) जुलैमध्ये मर्यादीत षटकांच्या मालिकेसाठी श्रीलंका दौऱ्यावर (Indian team on Lanka tour)जाणार आहे. 3 वनडे आणि 3 टी -20 सामन्यांच्या मालिकेसाठी भारतीय संघ नव्या रणनितीसह मैदानात उतरावे लागणार आहे. एका बाजूला इंग्लंडमधील कसोटी मालिका आणि दुसऱ्या बाजूला श्रीलंका दौरा यामुळे मर्यादीत षटकाच्या सामन्यासाठी वेगळा संघ निवडला जाणार आहे.

Rahul Dravid
INDvsSL : हे पाच खेळाडू करु शकतात टीम इंडियात पदार्पण

सीनिअर टीममधील विराट कोहली, रोहित शर्मा, जसप्रीत बुमराह यांच्याशिवाय नवोदितांचा भरणा असलेला संघ श्रीलंका दौऱ्यावर जाईल. युवा खेळाडूंसाठी श्रीलंका दौरा खूप महत्त्वपूर्ण असेल. आयपीएलमध्ये चमकलेल्या आणि देशांतर्गत क्रिकेटमध्ये लक्षवेधी कामगिरी करणाऱ्या काही खेळाडूंना श्रीलंका दौऱ्यावर संधी दिली जाऊ शकते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com